這次試用的是BEVY C.光透幻白妝前保濕精華(15ML)、光透幻白妝前眼唇保濕精華(15ML) 未試用前, 好少聽過呢個品牌, 只係知道係台灣的, 冇記錯好似莎莎個D 都有見過. 所以都上佢地既網頁都下佢究竟係何方神聖. http://bevyc.shop.mymall.com.tw/ 大家想知佢詳情同成份既可以去網站睇睇或者睇睇背後簡介, 小妹就唔多講了. 純分享下感受吧^^ 先先講下支保濕精華先, 其實一睇圖已經明顯可見: 鴨嘴設計不俗, 每次一泵的份量, 以混合性皮膚的我來說已經好足夠, 佢既感覺有D 似肌底液, 冇香味, 好易吸收, 感覺好補水, 手背即刻有光澤感了. 佢有兩種用法, 一當然係妝前打底啦, 另一種用法可以將佢滴落自己既粉底液, 令妝容更透薄, 更貼服, 更持久. 我自己就比較鐘意第二個用法了. 因為平時既護膚程序已經有保濕精華打底了, 但對於粉底呢…好多時未到中午已經有浮粉既現象, 所以, 滴一滴落去, 個感覺就好好多. 不過記得, 份量真係唔駛好多…因為太多會變得太稀呢….除非真係用厚厚的粉底液吧…否則一滴真係好OK了. 至於另外一支光透幻白妝前眼唇保濕精華, 個人好推呢﹗佢產品說明就話係淡化眼周圍暗沉, 細紋, 強力保濕撫平唇紋. 又先睇下個質地, 佢比保濕精華杰身少少, 不過都係偏水既感覺, 唔會覺得油膩, 亦都好快吸收. 對於用係眼度呢...小妹就冇咩特別既感覺, 可能小妹那雙熊貓眼比較利害吧, 不過因為保濕了, 所以紋真係冇甘覺眼的, 至於點解小妹推呢..主要因為唇部既問題啦﹗因為小妹個嘴係超感敏, 甚至可以話下有病...(因為有時要睇醫生茶類固純先OK 個隻), 但用呢隻精華, 一D 事都冇, 仲要唇側邊個D 暗啞既感覺都淡左..可能因為水潤關係吧, 同你用潤唇膏茶出黎既感覺是不同的, 可以講係零負擔但KEEP 住MOIST 既感覺, 用左佢再用有色唇膏一流﹗ **是次受邀於Beauty.Ulifestyle.com.hk 及 BEVY C. 試用此產品, 以上文章全屬筆者對以上產品的個人感覺, 使用效果因人而異.