由於時差的問題,仍攪不清楚香港和阿根廷時間的分別(香港比亞根廷快11小時) ,原本打算在A Man爸爸(即係我嘅Father-In-Law) 生日當天打給他說聲生日快樂,可惜錯過了,只好在Whatsapp和這裡跟他說"生日快樂"啦! 今天是Cooking Workshop day,所以A Man今日要跟Gastavo去Supermarket買材料,而我就繼續去整酒樽城堡,由於要將現在及將來的酒樽都放在這個位置,所以基礎一定要好,否則一旦之後倒下就會很麻煩!當然,過程中都會休息一下,但當一休息,阿大狗黑仔就會走過嚟要我模吓佢,一停手佢就會撲過嚟,所以都係無得抖! 用了半天的時間,集我們的力量,終於見到城堡初形,由於酒樽眾多,而根據"長命工夫長命做"的原則,所以只完成了一半,明天繼續! Gastavo見我們咁勤力,午餐決定煮好嘢俾我哋食,他說這是阿根廷人的傳統菜,用真空煲都要煮3個鐘,經過廚房都嗅到很香! 原來是什菜煲牛肉,一向唔食牛的我們,見盛情難卻,都決定破戒,奇怪地阿根廷的牛肉無咁騷,而且很鮮嫩多汁,難怪很多人都說去阿根廷一定要食牛!就係咁,食完午飯都5點多! 為了省錢,沒有參加Gastavo的烹飪班(因要夾材料費),留在房内看電影,A Man就好勤力做資料搜集及send couchsurfing request,因離開這裡後打算去多兩至三個阿根廷城市就去波尼維亞,而南美地方很大,一個城市去另一城市坐巴士都需要好長時間,而且都幾貴,所以唯有臨急抱佛腳,上網睇吓其他Blogger的經驗啦! 睇睇吓,A Man就睡著了,而由於之前答應了Konta會參加晚飯,雖然仍很飽,但都要頂硬上,當見到美食當前,都停不了,還加入了尾段的烹飪課,雖然不懂西班牙話,但憑他們的動作當語氣都略知一二,整個氣氛都好開心,今天的湯是紅蘿白湯、主菜是煙肉焗牛仔肉配焗法國薯批、甜品是紅酒梨,當中只學了甜品,而見到這個賣相都十分吸引,令人回味無窮,雖然今天所做的運動都已經白廢,但卻十分值得!希望明天可以食清啲啦!點擊圖片放大 +5 Facebook: https://www.facebook.com/amanandapan Youtube: https://www.youtube.com/channel/UCsTYxNCNRqN7hzYjjLQOffw Instagram: http://www.instagram.com/a_man_and_a_pan_journey