2012 - 4 - 4 跟歷了四次考驗後，小妹的傻更更地向更高難度挑戰﹗這次和上次的大刀屻一樣是原班人馬，只是同事肚子裡的小寶寶又大了一個月囉﹗這次就當作是她的封山之作吧﹗ 坐同事的車到北潭涌停車，再坐的士到海下燒烤場下車。沿著石級往山火瞭望站方向走上去。 和以往幾次一樣，一路都看見這些綻放著嫩紅嫩紅葉兒的古沉香樹﹗為山路增添不少春意姿采﹗ 本來路牌上寫著 "路不通行" ，證明這條被攀山人士開山辟路開出來的山路還是有一定的難度和危險的哦﹗開了路還不算，還把路牌改了﹗ "路可通行，可直通石屋山 / 遧上" ，只要一個半小時就可到逹﹗不過我們忽略了這是健行人士的時間，我們三個還有大肚婆，最後用了接近三個小時才爬上去石屋山﹗ 在途中的山火瞭望台上，可以360度遠望西貢群山，海上面的小碼頭就是黃石碼頭﹗山火瞭望台顧名思義就是用來監察山火的，原來真的有人在值班呀﹗ 好在今日都算乾爽, D路都唔算難行﹗ 但在泥路中上上落落，一唔小心就會跌親﹗ 仲以為去到前面個山頭就到，點知原來係最遠有幾支野果個山頭﹗聽完同事咁講，即刻暈一暈﹗﹗ 成個人咁高的山路都係由人開劈出黎，得半個人咁闊﹗行慢少少都會睇唔到﹗ 究竟有要幾大的熱情，先會去開墾一條登山徑呢？ 抖吓先 遇到分岔路？唔使驚，因為左邊條路有紅絲帶，行呢邊就啱啦﹗ 沿途見到好多不同顏色的絲帶引路﹗紅﹑黃﹑藍﹑白﹑尼龍繩……這一刻，突然感悟到登山的樂趣﹗那份挑戰自己體力與極限的不服輸的心﹗就在這一刻，愛上了登山這玩意兒哦﹗ 爬上幾乎垂直的大石路，少D腳骨力都唔得呀﹗大肚婆好叻呀﹗ 第四個山頭﹗ 老虎騎石 完全睇唔出呢隻老虎點騎石法呢？ 繼續向石屋山進發，荒山野嶺，行咗成日，人影都未見過﹗ 見到呢幾支野, 石屋山在望﹗ 蟻行者﹗真係改得好﹗ 用螞蟻般速度攀山的毅行者﹗就是我們仨人呀﹗ 人地話用個半鐘，我地蟻行三個鐘披荊斬棘，拆解50個蜘蛛網終於爬到西貢最高山~~石屋山481 M ﹗ 落山的路, 咁得人驚既？好似懸崖咁喎﹗ 落山的路全部都係亂石﹗我地改咗個名叫：大冬瓜路﹗ 在亂石中一步一驚心﹗敢問路在何方？﹗ 行完大冬瓜路,再行小冬瓜路﹗ 因為呢間石屋，呢度就叫做石屋山啦﹗ 我地一定係癲咗﹗呢條小冬瓜路擺明係山泥傾瀉之後形成啦﹗真係唔知我地點解會碌到落黎﹗如果向上行，我地一定唔會前進﹗ 咁多絲帶，原來呢度係起點﹗ 原來起點係嶂上﹗食番碗豆腐花先﹗點解山邊一定有得食山水豆腐花？ 向北潭凹進發 原來呢度係麥徑的其中一段 落到北潭凹，我地無搭車，繼續行埋北潭郊遊徑﹗ 滿地厚厚的枯黃落葉 謝咗散咗﹗終於到逹終點 七個鐘﹗十幾公里山路披荊斬棘，終於完成﹗大肚婆真係真係好叻呀﹗不過今次係封山之旅，唔好再行啦﹗ 很充實的一天，也是讓小妹徹底愛上登山的一天﹗ 香港的美好青山，等著我呀，小妹一定會爬上來的﹗
