吳亦凡戀情大反轉 | 「回眸妹妹」靠眼吸睛 就係尋日，作為大陸四大流量小生之一的吳亦凡Kris嘅戀情曝光，即刻登上微博熱搜榜第一名。從狗仔視頻可以見到，兩人從車庫現身，一直拖實對手。睇上去實在係十分之親密。熱心Fans聞風而動，眼細嘅網友馬上就從衣著將女方起底：對方是北京電影學院18級學生鹿伊luna(真名秦牛正威)，同宋祖兒、吳磊是同學。 身份曝光不止，網友仲從早期社交平台嘅記錄退出之前早有交往。同以往不同，大部分粉絲竟然都屬支持態度。究竟呢位鹿伊luna究竟有咩來頭可以同Kris直接「官宣」? 點知結果反轉太快，我仲未發出今日筆記，大陸娛樂圈就爆出大新聞(搞到我大半夜起身改筆記文案)。同日下晝先係女方被爆出5月份未同前男友斬斷關係，6月份就同Kris拍拖，30號仲係到同前男友去飲酒。到夜晚，一女性同Kris企微信視頻視頻又流出。之後又有Kris於一女性對話錄音曝光。原本好一對大家祝福嘅姻緣就變成大型「宅鬥」現場：男主真身「加拿大炮王」，女主成為「處心積慮girl」。究竟事實真相係點，宜家仲未有定論，就睇邊家手上料更多。 返到正題，就算只有短短時間，鹿伊luna都係成左大家共同祝福嘅「吳太」? 我認為一方面主要因為登台時間成熟。大陸流量明星宜家已經更新換代。Kris宜家嘅粉絲都係從佢出道至今留低嘅忠實粉絲。而且佢今年已經30左右。公佈戀情亦到正常。Kris自己都有為粉絲打預防針：坦言話「35歲之前想定下終身大事。」 另一方面就係鹿伊luna本身就有基礎。生得清純甜美，屬於具有親和力嘅類型。自然會係粉絲上容易過關。 從相片中就可以睇到，鹿伊luna最吸人就係小頭+小面+大眼嘅組合。同一般人相比十分之突出。 就算皮膚狀況比較差嘅時候，皮膚黯淡以及黑眼圈都掩蓋唔住佢對大眼特點。 亦都係因為對眼，佢企大陸抖音平台上算小有人氣，125萬粉絲量人稱「回眸妹妹」唔係冇道理嘅。 一方面，從面型眼型分析。面型屬於偏橢圓面容，加上天生圓眼會十分有親和力。 第二方面，我想單獨拿出來講嘅部分係雙眼皮。可能因為我就做呢行所以會關注多D。佢對雙眼皮屬於扇形，而且十分自然。顯得本身就唔錯嘅雙眼顯得更加大而有神。 尤其對於宜家后生來講，雙眼皮是大熱門項目。就算唔論安全性角度，做得唔自然好容易就俾人睇得出。有D人仲中意盲目跟風，唔根據自己面型眼型盲目追求所謂「歐式」雙眼皮，反而會容易得不償失。我唔知鹿伊luna係自然雙眼皮仲係後天修得(手動狗頭保命)，不過呢對雙眼皮實在係起畫龍點睛之效。 第三方面，髮型妝容嘅配合。可以睇到佢髮際線比較高，顯得額頭寬廣。通過改變髮型、化合適眼裝，可以cover狀態唔好狀態。 最后，啱爆出戀情就出大反轉嘅呢對情侶，事態發展真係令人大跌眼鏡。不過至少可以睇到，想要做「星嫂」，除左要德才兼備，有對啱自己嘅雙眼先至可以吸到對象。我亦都會繼續關注事態發展。如果有新料或者有咩問題都可以隨時評論、留言。
