勝面響朗豪坊11樓,旺角區其一間台灣餐廳,除左賣牛肉面之外面之外,最近加左滷味,滷味要做得好都有難度,滷水汁要咸中帶甜,料要夠入味,仲要保持到口感,都好考功夫,本身覺得麵店要做埋滷水野,質素可能都係普普通通,但試左之後,真係唔錯,旺角台灣美食唔少,勝面絕對可以一試。勝面場地唔算大,店鋪以半開放式設計,採光明亮,坐的都算舒服。 影片介紹 新產品上架勝面-秘製古法滷水拼盤(大)大滷水拼盤入面,有達7種食材,包括滷豬頸肉,滷豬耳,滷大腸,滷雞腎,滷雞中翼,滷牛𦟌及滷蛋,都算係豐富,滷豬頸肉比較少食到,勝面都做得幾出色,肉質依然有Q彈感,而且非常入味,雞腎爽脆,牛𦟌黎講我就覺得再淋D就完美,兩個人嘅話可以叫小滷水拼盤,一樣有齊七款食材,滷水我一直熱愛,勝面嘅滷水野屬於中上水平。 不能點的蝦餅呢個蝦餅其實係台灣嘅月亮蝦餅,外脆內軟,而且蝦肉都算多,香港反而泰國餐廳有得食,台灣餐廳比較少見,但其實月亮蝦餅發明地係台灣,作為旺角台灣美食其中一員點可以冇,月亮蝦餅同一般蝦餅唔同,比較薄身,口感有層次,非常值得推薦。 台式絲瓜蛤蜊湯味道清甜,蜆味老實講唔算好重,但夏天飲就好適合,瓜瓜菜菜平時都唔會專登整黎食,湯水更少,絲瓜本身夠甜,吸左部分湯的精華月,食落更清甜,而且個湯飲完冇覺得喉乾,斷定唔係味精水,廿零蚊碗合理價錢。 台灣餐廳精髓除左台灣美食外,台式飲品亦非常重要,勝面響飲品上亦推陳出新,但當然我冇試哂啦,但都簡單講下。 芒芒甘露 - 芒果口味飲品,內含西米、蒟蒻、椰果及酸奶,酸酸甜甜,而且好多料。桂花嬤嬤 - 桂花口味台茶,內含桂花茶凍、蒟蒻、椰果等,茶凍Q彈,配合蒟蒻及椰果令口感更加豐富。爆粒檸檬3姊妹 - 呢杯非常夏日,口感清新,內含珍珠、椰果、蒟蒻,飲到一半都唔記得影相,鍾意飲清爽野一定要試。奶茶3兄弟 - 台灣飲品點少得珍珠奶茶?奶茶3兄弟內含珍珠、仙草、布丁,簡單講係杯重料版珍珠奶茶。旺角台灣美食競爭劇烈,唔諗新野都好難突圍,勝面響旺角朗豪坊11樓25-29號舖,搭𨋢轉右直行就見,一眼就望到哂入面,裝修風格偏文青風,店面光猛,雖然冇得book位,但你可以打去問下有冇位先上去,電話係3105 9826。