又有新公園啦！最近去咗觀塘康寧道公園一期嘅新公園，等我哋同大家分享下有咩玩啦！ 如果要嚟到呢個公園，首先要先搭升降機／行樓梯去到頂層平台位置，然後會見到一條長長的天橋，天橋盡頭就會見到呢個最新嘅公園呀啦。點擊圖片放大 公園面積唔算好大，但罕有巨蛋型攀爬架就非常吸眼球！佢係由一個個球體為主軸，周邊環繞著攀爬網、溜滑梯同障礙道等設施，比較屬於手腳並用、上下跑跳類型嘅遊具設施，個人覺得比較適合年齡較大嘅小朋友嚟玩。點擊圖片放大 +3 另外，佢亦設有唔同嘅滑梯，例如：螺旋型、長滑梯、一般滑梯等。當然最刺激一定係位於頂層嘅金屬螺旋型長滑梯啦！點擊圖片放大 +3 除咗有巨蛋型攀爬架外，呢度都有個鞦韆架，鞦韆架亦有３款唔同嘅鞦韆比大家玩！而我最鍾意嘅就係「親子款」，可以親子對望住一齊玩，我同弟弟玩得好開心！點擊圖片放大 +2 另外，公園仲有一個氹氹轉、小型彈床同小量健身設施等。同埋，出入口亦增設洗手裝置。呢度雖然唔係好大，但勝在各遊樂設施都有啲。點擊圖片放大 +3 公園仲有一個人造草地還在建設中，相信將來會有個小草地，可以比小朋友跑跑跳跳。（友善提示：由於工程尚未完成，所以請小心看顧小朋友呀。）點擊圖片放大 +2 ▲夜晚呢條樓梯仲有會變色嘅燈，好靚。總結：雖然呢度唔重好大，但勝在設施特別同比較新。不過個人位於觀塘半山區嘅康寧道，附近配套未算好完善，所以我哋第一次嚟搵呢個公園都用咗唔小時間。而且呢度只係屬於小區公園，個人建議如喺附近行緊街嘅話，都可以一嚟玩下嘅。 ==========================================康寧道公園一期 頂層平台公園地址：茶寮坳康寧道151號 頂層平台 我哋係由官塘裕民坊小巴站（90B／22A ），於康濤閣有落，再過馬路搭lift 上去頂層平台公園。 其他交通：1. 港鐵觀塘站 A1 出口沿協和街步行15-20分鐘便到達康寧道公園第二期入口。2. 巴士路線 : 1C， 11X，13D， 13X，15P， 23，23M，26M，28B，95M路線於基督教聯合醫院下車 ==========================================（以上資料更新至撰文當日）聯絡電郵： alfredbb325@gmail.com最近開始玩IG，歡迎追縱：allaboutalfred最近開始玩MeWe，歡迎追縱： https://mewe.com/p/AllAboutAlfred/追踪更多育兒生活分享，請按 Alfred 成長日記
