唔知大家會唔會同我一樣…自疫情出現之後，對家居及個人衛生嘅意識提高咗同緊張咗好多？有時緊張到好似有啲神經質咁…其實咁緊張，無非都只係想好好保護自己同保護我最愛嘅家人啫！ 特別係出完一次街之後，全身上下嘅嘢都要清洗同埋全面消毒一次，而香港成日都咁潮濕，密密洗完啲衫，又未必乾得切，屋企又唔係有咁多地方可以將啲衫晾乾，要喺陽光曬到嘅地方消毒殺菌，就更加唔洗諗，有時洗完乾唔透更會有陣噏味添！所以最近我同爸爸商量一下，睇下有無一啲方便快捷嘅乾衣方法適合我，而最近上網睇到TGC有一部煤氣乾衣機可以做到高溫殺菌，所以我就約埋爸爸去咗佢哋嘅Showroom睇睇啦。 當我一去到Showroom，已經比佢哋其中一部有萌爆Hello Kitty嘅煤氣乾衣機吸引住眼球啦。原來呢部就係正正我喺網上面睇到推介嘅同一型號＜TGC煤氣乾衣機 RJD650＞！ 始終香港地方細，加上環境有限，如果屋企有部乾衣機幫輕下會更加好。特別我呢類有初生ＢＢ嘅家庭，每日需要清洗大量嘅衫仔／紗巾／口水肩… (多到不能盡錄)。而我見到呢部日本製嘅煤氣乾衣機容量夠曬大，有特大乾衣鼓，可以乾到6.5公斤衫咁多！好適合我哋一家四口比較人多嘅家庭。 自從哥哥回復實體課後，要日日清洗校服。而弟弟加固時又會容易整污糟啲衫、口水肩或飯衣等。而家天氣開始回暖，屋企衣櫃亦開始要「轉季」，所以我要將冬天厚嘅衫收起嚟之前，要先清洗一下...而有陽光去曬衫嘅乾衣方法又真係未必日日都等到，所以有時洗衫嘅數量遠遠追唔到晾衫收衫嘅速度！ 另外，我自己好怕洗完晾完嘅衫仲會有陣噏臭味！以前住喺舊居嘅乾衣方法，就係將啲衫掛喺窗邊，等啲自然風慢慢吹乾，無太陽曬住殺唔到菌之餘，好多時乾完都仲有陣噏臭味，真係頂唔順！而TGC呢部煤氣乾衣機就有高溫殺菌功能，用最高80度嘅水溫可以有效清除滾筒內殘留嘅污垢、細菌同埋異味。最重要嘅係，大腸桿菌、金黃葡萄球菌、塵蟎等，都有效消滅。所以洗衫乾衣夠乾淨嘅話，對防範疫情絕對幫助唔少，亦令我用得安心又放心！ 當然，除咗高溫殺菌功能外，我亦都有留意到佢有一個創新智能感應功能，即係部機會因應衣物嘅濕度，可以自動調校乾衣時間，確保暖風均勻吹送，達到乾衣效果自然柔順！ 如果趕時間而需要乾衣嘅話，我覺得佢另一個功能都好正，就係特設嘅速乾功能，可以20分鐘快速烘乾 1 公斤嘅衣物，真係啱曬我經常要洗弟弟嘅口水肩同哥哥嘅校服。另外，部機亦有10分鐘暖衣功能，可以即時去除衣服濕氣，特別之前天氣凍嘅時間，乾完啲衫或者口水肩暖笠笠，比ＢＢ用都唔怕凍親佢，任何時候均可盡享溫暖柔順嘅衣物啦！ 其實而家乾衣方法已經唔洗好似以前咁，再局限住等天氣好先可以晾衫！因為我哋屋企洗衫量比較多，今次嚟到睇實物，一部有強大功能＋容量特大嘅煤氣乾衣機就非常適合我！ 而我睇完之後，除咗徹底改變我以往嘅乾衣方法，亦令我都心郁郁好想入手TGC煤氣乾衣機，保障一家人嘅健康！========================================（以上資料更新至撰文當日）聯絡電郵： alfredbb325@gmail.com最近開始玩IG，歡迎追縱：allaboutalfred最近開始玩MeWe，歡迎追縱： https://mewe.com/p/AllAboutAlfred/追踪更多育兒生活分享，請按 Alfred 成長日記
