上個星期六首爾天氣特別好~ 小編去咗加平玩水上活動同埋鐵路單車, 同大家介紹下行程先! 加平位於京畿道, 距離首爾有點遠, 可以在龍山站搭Itx青春線火車過去喔, 差不多一個小時就到了~ Itx火車上面好舒服, 亦都有下一個到站站名既提示, 唔使驚唔識落車~ 差唔多一個鐘之後就在到加平站啦! 落車行到去加平站出面, 站既正對面就有的士站. 上的士同司機講話要去南怡島, 司機就會載你去碼頭~ (南怡島要再喺碼頭搭船入去) 而我地要玩既水上活動就喺碼頭上面~ 的士車程好短, 大概10分鐘就到, 所以都唔會太貴~ 一去到就會見到呢個 --- 跳笨豬jump既地方! 哈哈大家夠唔夠膽玩呢? 比起外國唔算太貴, 幾百蚊就有得玩. 算係距離首爾比較近的笨豬jump~ 然後水中遊戲賣飛既地方就喺正笨豬jump下面, 上面有貼住價錢表~ 我地玩咗第一個, Fly fish+ pang pang, 30000won 如果想淨玩一樣都得, 但單玩fly fish就25000, 好似買一個set抵啲! 其他可以玩既水上game仲有香蕉船, 橡皮艇, 水中滑板等等. 買完飛落到去將張飛交俾職員, 佢地就會俾一人一條黑色褲你, 可以入更衣室更換~ 玩水上遊戲其實唔會濕身濕得太誇張, 通常淨係下半身會整濕, 但安全起見建議都係帶一套底面衫去換哦~ (有見到人玩到唔小心跌咗落水哈哈) 換好褲之後佢會俾埋頭盔同救生衣你著住~ 跟住就可以出發去玩水啦! 頭先提過既Pang pang 有兩款, 我地坐既係韓國哥哥拉住既黃色果隻. 另一隻就係右手邊紅藍色果隻, 比較細刺激啲但容易跌落水XD 冇安全帶架, 坐喺上面要靠自己用手捉實~ 由快艇拉住, 架pang pang就喺水上面彈下彈下~ 好涼爽! 唔算太刺激, 可以當熱個身. 跟著就到主角出場啦! 呢隻叫Fly fish! 一隻只可以訓兩個人~ 都係靠自己握實條繩. 呢個刺激好多! 快艇拉住行時隻fly fish好似放風箏咁飛離水面, 個人差唔多企喺度! 玩完之後可以去食有名既春川炒辣雞, 留返聽日再介紹 :-D
