成日都會遇有想去首爾玩既朋友叫小編推薦好食既餐廳. 比起大家都已經聽好多人介紹過既八色烤肉, 炸雞, 部隊鍋等等, 小編想分享一間在首爾吃過的店裡個人覺得喜歡既一間餐廳! 呢間店位於仁寺洞, 店名叫 “인사동 수제비”, 即是 仁寺洞 片兒湯, 又叫疙瘩湯. 到底咩係片兒湯呢? 其實就係用手將麵粉捏成一薄片一薄片放到湯裡面煮. 煮完有點像厚身水餃皮, 煙煙韌韌, 又會吸收到湯既味道~ 舖頭佈置得古色古香, 有疊到好高既傳統醬缸瓦碗, 有普通既枱櫈可以坐地食, 想感受下韓式風格也可以脫鞋到裡面坐地下用矮桌子食!(但小編每次坐地下食, 食都一半就腳痺哈哈) 呢間仁寺洞片兒湯特別在佢既湯底係用海鮮熬既, 有大片既海帶,白蘿蔔同埋粒粒新鮮既蠔仔肉, 超級鮮味! 簡單翻譯下menu~ 얼큰수제비 辣片兒湯 수제비 片兒湯(不辣) 들깨수제비 紫蘇葉片兒湯 해물파전 海鮮煎餅 냉콩국수 冷豆漿麵條 怎麼去? 從安國站6號出口直走到仁寺洞主街, 左轉入主街直走直到見到左手邊既仁寺洞8街(인사동8길) 見到仁寺洞8街(인사동8길)路牌然後轉入去直行 行到見到最頂呢個紅色牌, 轉左 再行到見到地下上面黃色餐牌 轉入去右邊就見到門口啦
