今日介紹既係全韓國最難買既人氣零食! 呢個相信大家未食過但都有聽過吧! 佢就係推出咗一排, 但依然一上架就賣斷市既 蜂蜜牛油薯片~~ 허니버터칩~ 因為實在太過搶手, 基本上平時冇咩可能喺便利店或者超市見得到有賣! 小編都係好難得買到過兩次, 今日教大家一啲買到佢既小秘訣 ;) 首先show下我啲戰利品先XD 超市通常平時都唔會有貨, 但做特價或者新開張時就會專登入幾箱貨吸引客人. 例如小編上次就係見到屋企附近超市既傳單寫住有得賣~ 但就算有賣, 傳單上都寫住每人限買一包, 只有兩日有得賣, 仲要每日得80包!! 而且唔放出黎賣, 要去問收銀員佢先會喺枱底揾一包俾你~ 真係好矜貴架XD 所以手快有手慢冇, 見到就好即刻去啦~ 另外就係有時超市做緊特價, 佢會放喺櫃台附近… 如果你見到有一群大媽圍住搶緊, 去八卦下都可能有驚喜哈哈. 至於味道嘛, 我個人覺得又冇好食到咁誇張, 但絕對值得一試! 蜜糖味甜甜地幾好食, 牛油味有啲重, 一個人食成包可能有啲膩, 同朋友一齊食一包就啱啱好啦! :-D