去首爾去得太多，可以改為去比較遠少少既地方，例如離首爾1個小時車程的坡州Heyri文化藝術村。只需從2號線合井站搭2200號巴士便能到達。Heyri文化藝術村很大，淨係行Heyri同普羅旺斯村都可以行足一日，夜晚才回首爾都可以。進入園區是免費的，也可以在園區內散散步，影下相。園區內有各類型有趣的博物館，體驗館，畫廊，咖啡廳等等。每個展示館都有自己的主題, 例如電影博物館，咖啡博物館，草莓妹主題館等等。除此之外，仲有好多電視劇同music video係果邊取景的~哈韓的一定不能錯過這些拍攝場地。 1. Artinus Farmer’s Table 點擊圖片放大 位於藝術村4號入口附近，去到園區係外面影一陣相，午餐時間可以去呢間Café，紳士的品格同埋韓版流星花園都係呢到取過景架~ 2. 韓國近現代史博物館 內裡展示左韓國近100年內既日常生活歷史, 超懷舊。特別展示左50~70年代既韓國, 鐘情於歷史或懷舊物件既一定唔可以錯過, 超有FEEL~ 3. 3D藝術博物館 Trick Art Museum 點擊圖片放大 3D的藝術博物館，係裡面影相都有排影，有好多錯覺藝術品供遊客影相, Trick Art Museum係入口附近，好易搵，去完韓國近現代史博物館後可以行過去~好近~ 4. 兒童玩具博物館 兒童玩具博物館在Gate 6，都好近，雖然叫就叫做兒童玩具，但其實大人都好岩去，裡面有好多經典玩具例如龍珠，叮噹，史力加等等，岩哂男同女~ 5. 普羅旺斯村 行完Heyri藝術村仲有時間，可以再搭約20分鐘的2200號巴士去埋附近的普羅旺斯村，係韓國好出名的電視劇<紳士的品格>就係o係果到取景！普羅旺斯村是設計得比較法式的休閒村，每棟獨立建築都刷上不同的顏色，散發住濃濃的歐陸風和鄉村感，裡面仲有一些販賣生活物品，服飾裝飾，麵包等的商店，十分有氣氛。去到普羅旺斯村一定要試埋好出名既香蒜麵包(마늘빵)。約KRW6,000但絕對值得一試！如果仲有時間淨，可以行埋附近既樂天名牌Outlet，山葡萄酒農場，坡州英語村(Running Man拍攝地點)等等。 Follow us on facebook: Alivemuseum2009
