唔好以為濟州淨係得瀑布呢D觀光景點～仲有好多好玩既野架～ 今次為大家介紹係濟州既ATV越野賽車體驗場，真係玩到完全唔想走！ 係ATV體驗場有兩款越野賽車，一款係大既，可以坐兩個人，岩哂情侶～而另一款係單人車，自己想點揸就點揸～一次約KRW25,000至KRW30,000，第一次玩，緊係揀試好軍裝FEEL既大車啦！操作好簡單，唔識揸車都唔洗驚。全程約15-20分鐘，唔會話太短，主人會一直係旁邊揮手，以確保遊客安全。除左係陸地，大車仲可以入水！！ 原本諗住只係玩大車，點知玩完大車實在太過癮唔夠喉，又諗住難得去到濟州，唔試玩埋真係好徙…最後決定玩埋細車！細車同大車既路線唔一樣，仲可以自己控制，又係另一種體驗！ 不過當然玩越野賽車始終有一定危險，小編坐大車轉彎時差D飛左出去，亦曾聽聞有人真係飛左出去搞到要做手術，所以千祈唔好玩得太忘我，去旅行萬事要小心！ 在此為大家介紹其中一間出名既ATV越野賽車體驗場: 山海ATV越野車體驗場 (산바다 ATV체험장) 地址：濟州特別自治道西歸浦市安德面山房路141 제주특별자치도 서귀포시 안덕면 산방로 141 (인덕면) 開放時間：09:00~日落為止 電話：+82-64-794-0117 (以上資訊來源自韓國觀光公社) ALIVEMUSEUM係濟州都有兩個好大既分館，有時間記得去埋丫～ 濟州中文館 － 濟州島西歸浦市中文觀光路42 濟州城邑館 － 濟州島西歸浦市表善面城邑裡2381號
