美食推介又黎啦~ 香港人最鍾意去東大門買衫, 黎韓國行程一定唔少得~ 地鐵站旁的Goodmorning city最近好似翻新緊, 最底果層冇乜野行, 不過就可以轉移陣地去隔離個lotte fitin, 一樣可以買個夠~ 通常係東大門行街都至少要半日, 總有一餐要係東大門食, 想搵野食又唔知食乜好, 今次為大家介紹餐廳同街邊小食! 八色烤肉 (팔색삼겹살) 黎韓國旅行過既朋友相信都唔會陌生，佢地最出名就係有8種味既烤肉，有人蔘味，咖哩味，紅酒味等等，非常特別。店員們識講中文，一開頭佢地會為你奉上一鍋海鮮湯，唔好比佢地嚇親，小編就比佢地嚇親，問過後原來係免費送的～店員仲會親自幫你燒埋，剪埋，包你擁有5星級服務。(當然唔會喂埋啦~)要注意的是韓國一般飲水都係Self-service的，自己出去拎杯同水樽便可～2~3人份量八色烤肉KRW30,000 (約HKD210)，抵食！ 雞丸一匹 （진짜원조 닭한마리） 如果係韓國食唔到辣／唔想咁熱氣／真係唔小心病左，可以試下雞丸一匹！又唔辣，雞湯又好味！呢間其實同八色烤肉同一橦，如果見八色烤肉多人得好緊要，不防上去四樓試下。2人份KRW25,000 (約HKD180)，3人份KRW35,000 (約HKD250)，都抵食！一定要點埋店員幫你調既汁，好野味！除左雞，仲有餃子，菇，年糕，薯仔等等，最後仲有埋面條칼국수，唔洗驚唔飽～ 食完午餐／晚餐，行到一半想搵Ｄ野食下，可以試下路邊攤～ 呢間係APM旁邊內街，BB紫菜包飯KRW3,000 (約HKD21) 有6條，唔係超平不過好食！每條都可以自己揀要咩餡架~仲可以打包返酒店食！ 呢間就係APM門口出面，燒魷魚，有辣有唔辣，任君選擇。KRW3,000 (約HKD21) 同場加映: 香港人最愛SEVEN-ELEVEN, 係呢到有加強版TWO-SEVEN~ Follow Us www.alivemuseum.com
