復活節假期前，部門終於要轉office位置，由1樓去3樓，新裝潢的辦公室比起舊的寬敞及明亮，最重要是有窗！(舊office是細小的密室，不通風) 老一輩思想當然唔希望大肚婆懷孕期間搬搬抬抬，不過部門老闆話急住搬，做下屬邊有得SAY NO…… 亞一爸爸更加緊張，始終之前見紅，搬office都驚我出事，就搵左一晚收工黎幫我執野pack A4箱， 本身成個部門搬都，咩都要執走，其實搵搬運公司一次過搬係最好(公司行政姐姐提議過好幾次)，點知部門老闆話要「螞蟻搬家」LOL……叫大家逐少逐少執上去 =___+ OH MY GOD！ 當時真係心底爆粗，成個部門得佢1個男人，佢梗係冇問題，偏偏佢心腹、我上司即刻支持……唉！ 當日都唔期望佢地兩個會體諒我，我都預左自己搬，幸好其他同事&其他部門同事好好人，當日主動過黎幫我手，感激！ 話雖如此，自己都仍然有搬，咩都唔做自己都唔好意思la，一個上午急急搬左，野都未執，下午又要去醫院檢查lu 可能搬野問題，醫院check左幾次都話我脈搏果d太高，雖然有講俾姑娘聽今朝搬office，但佢地話隔左幾個鐘la，冇理由仲係咁，結果醫生要我去第2層樓驗血、照心電圖+驗尿 人黑仔真係冇得講，當日咁巧合有部升降機壞左，唔想等就行樓梯，結果當日不停上上落落，返到屋企，就攤左係度，等亞一爸爸放工返黎，食埋DINNER，就即刻瞓了 第2日返工，覺得雙腳超級攰，幸好返埋就連放4日，主去返去都係清潔自己個位，心情都輕鬆 返到新office，第一個感覺係，陣味好難聞！ 辦公室3月中已經基本裝潢好，只餘辦公室裝置尚未購置好，但一直講要搬要搬，不過部門老闆一直都未關注甲醛問題，就令我很苦惱。 向其他部門的同事請教，大家都給了我不同的意見，例如咖啡殘渣、波蘿(第一次聽)、洋蔥、木炭…… 一直拖到4月頭，部門老闆同心腹終於想起甲醛問題，quote左公司除甲醛，我都以為除左會好好多，但原來係冇咩用！ 坐左1個鐘，已經忍唔住走出走廊，因為戴口罩都冇用，朋友幫我淘寶了一包包活性炭，比較方便，我就放係自己個位附近，再取出甲醛測試器。 細細盒，2包紙巾大小，用法有明確的指示 唔記得影相，打開會有1包粉、1個圓盒、1枝白色樽&1枝啡色樽，將粉+白色樽內的水倒入圓盒，開蓋放置20-30mins，再加入啡色樽內的液體 好似讀書做實驗咁，幾好玩！ 一試就見到，根據指示盒，office內甲醛仍然是超標！ 秘書姐姐話，甲醛唔會完全除完就消失，傢俱會慢慢散出，偏偏部門老闆唔容許開門&窗，d味散唔到。 公司行政姐姐就質疑部門老闆&心腹搵的除甲醛公司，因為當日11點除完，她12點上去，發現仍然好大刺激的味道。 雖然個甲醛測試器未必可信，但今日放完假返公司，坐一陣就feel到喉嚨痛、頭痛&頭暈……真係好擔心！
