從懷孕開始，我就諗妊娠紋問題，因為一有妊娠紋，從此與Bikini冇緣…… 其實懷孕3個月時已經擔心自己會有妊娠紋，事關網上睇過不少資訊，都說與遺傳有關，想知自己有沒有，去問自己媽媽就知道。 而我問過媽媽、家姐後就知道自己好大機會不能避免 。 有些灰心的情況下，都想略盡綿力，但又不想花費太多，事關懷孕後支出都大了很多，唯有綜合網上媽媽們的經驗選擇。 最後選擇留意3款︰ Clarins 調和身體護理油︰價錢比較貴，官網都show緊$530，但網上好評最多 Bio oil 護膚油︰比較平價，屈臣氏都是百零2百蚊，抵玩，但見過有媽媽說作用不大 Johnson Baby oil︰最平，普通藥房超市都有，網上評論不多，主力都係滋潤作用 懷孕3個多月時，我買了Johnson Baby oil，嬰兒按摩油。 隨便在藥房購買，$40樓下，太便宜！ 冇特別留意成份，單純覺得嬰兒都可以用，孕婦應該都可以。 我本人是很懶，又怕油笠，自然買了也不是日日用。 不過到4個月時就發現有問題，肚子、大腿、pat pat每逢睡覺都很痕，結果睡得更差，最後……都是日日用(幸好沒有出現)。 本月初，與公司同事閒聊時，知道我看輕妊娠紋，被秘書姐姐狠狠教導了一番。 秘書姐姐再三強調每個人皮膚是有分別，不能單靠遺傳而定案，她自己就冇……(下省) 最後還指名叫我買Clarins 調和身體護理油。有經驗人士指點，當日收工即時衝去買。 我買了這枝，細細樽，感覺會好快用完。 至今用了10多日，果然一分錢一分貨，個人覺得效果比Johnson好，沖涼後趁皮膚仍有水粉，倒小小去搽肚，再按摩。 不過可能自己皮膚太乾/太肥，見網上媽媽分享倒小小可以搽完所有重點部位(肚、胸、臀部、腰兩側)，我只搽肚已經搽盡了。 捨不得用太多clarins，只好再出動Johnson搽臀部&腰兩側，所以每次沖涼後，都會用到兩枝油。 暫時23周，每天只搽1次下，情況暫時良好，不過返工時間唔中都feel到肚子會痕，看來之後好大機會要1日2次。 每個媽媽心聲︰雖然都有定心理準備妊娠紋會出現，但都想愈遲愈好，最好唔出現啦！ p.s. 我沒有用過任何妊娠膏，同時用油+膏，自己怕油笠，會唔舒服。另外，覺得油吸收比較快。
