BOM Cuisine 地址 長沙灣青山道441號地舖 Address: G/F, 441 Castle Peak Road, Cheung Sha Wan 長沙灣站 C2 出口 Cheung Sha Wan Exit C2 ----------------------------------------------------------------------------------------- 呢日係長沙灣行左好耐，見到呢間野個樣好似幾吸引咁，所以就入去試下。 入面個環境好有feel，係幾有情調既餐廳! 我地叫左一個SET同埋一個飯，補少少錢就可以要哂甜品同埋湯，兩個人share剛剛好。 個包好香脆，濃濃既香蒜味 白湯鹹味適中，幾creamy。 呢個係前菜拼盤，巴馬火腿以及哈密瓜，好正呀，個ham油香濃郁，配上哈密瓜既香甜，口感一流。 主菜黎啦!!!我地叫左美國肉眼扒，肉汁好多，有咬口，個薯蓉都好好味 仲有幾款醬揀添，但個人都係鍾意佢原本個汁多D，比較香濃，也能去除油膩感。 仲有就係呢個飯，佢個汁真係好幼滑，令每一粒飯都包裹著濃濃既香蒜味。 我仲叫左杯凍朱古力，一D都唔馬虎架，creamy而有濃濃既可可味。 最後，當然係精選既甜品，呢個係黑加侖子既甜品，第一次試呢個咁特別既味道，一試難忘，差D想再叫多個haha 如果下次經過呢邊，會再黎試，性價比極高呀!
