九份•十分 址址: 沙田大涌橋路20-30號河畔花園地下27-28號舖 Address:Shop 27-28, G/F, Garden Rivera, 20-30 Tai Chung Kiu Road, Sha Tin 港鐵沙田圍站 C 出口 Sha Tin Wai Station Exit C 個日個fd見到佢樓下有間新野就叫我去試下 ，因為佢知我太掛著台灣啦lol一睇間野個名就知係台灣野haha 岩岩開張冇耐 一去到好多人係門口排隊，我地都等左一陣先入到去。 佢既裝修都幾靚，收銀處有一個打到出去既古董電話... 佢本menu design得幾靚，可惜個日多士同方塊都未有得叫著，所以唯有叫著其他先。 都幾多選擇，但係就唔係純台灣野，咩都有d。 去個日暫時未有多士供應so sad.... 落單冇耐就有野食，超開心，首先黎既係野飲，呢杯野個名幾好聽，叫星空，其實就有大熱既蝶豆花係入面， 最like佢個燈座，一放杯野上去就會著燈，好靚，呃like首選。 蝶豆花飲品 另一杯就係菠蘿特飲，真係有成個菠蘿頭係度，勁有feel 菠蘿特飲 之後黎既係蠔仔湯飯，好香既蠔仔，冇腥味，係鹹左少少，因為我食得比較清淡。 蠔仔飯 跟住係芝士釀雞翼滷肉飯，芝士釀雞翼其實可以分開叫既，但係我想食埋個飯所以叫左呢個，d雞翼去骨釀芝士，仲有嫩滑既雞肉係入面，滷肉飯都唔錯，肉碎偏瘦，滷蛋既顏色則比較淺色，但都好味既。 芝士釀雞翼鹵肉飯 呢個皮蛋豆腐真係幾正，皮蛋夠新鮮，又爽滑，配上滑溜既豆腐真係一流，亦都鍾意佢個汁，冇蓋過皮蛋同豆腐既香味。 皮蛋豆腐 再黎係醉鴿，幾滑又香，配上雲耳食唔錯。 醉鴿 之後就黎左鹽酥雞，一定要叫呢個，鮮炸，冇雪雞味，仲有味粉比你自己落，有5隻口味，好似做lab咁， 亦係呃like菜式之一!!!! 鹽酥雞 然後呢就到最貴個個之唔記得左佢個名，佢係芝士面，麵包配炸雞，麵包入面係一d湯汁，個賣相都係唔錯既，但個湯汁味道就有d怪。 最貴既野但唔記得左個名@@ 之後，仲叫左個醉雞米，個人覺得雞比鴿好食，隻雞好嫩滑，米粉既湯底都唔錯。 醉雞米 同埋呢個骰仔牛飯都值得一推，牛粒好香，好鬆軟，冇鬆肉粉味 咖喱骰仔牛飯 最後就係甜品啦!!!!已經飽到咩，但係見到waffle都要叫埋先!!!雜果芒果雪糕waffle真係好fresh, 值得一讚，個waffle火候剛好，好香脆，係好耐冇食過咁高質既waffle!!!!!!! 雜果waffle 新開黎講，食物品質算唔錯，希望下次再去有得食多士haha
