事因有朋友係Wechat轉發我则新聞，關於针封澳門人嘅牙科補貼活動。因我有隻牙甩咗，一直想種，睇得又有 CCTV 視頻，又有官方說明，好似都信得過咁，所以就按照指引，填個人信息。間隔约三四日，即有工作人员聯繫，但了解到間牙科都唔係澳門，係大陸。。 不過價錢確實平得離譜啦，宣傳話$3000，之前了解到澳門植牙一般都$15000左右，如果鏡湖/科大更加貴，平到咁離奇，好擔心到时會唔會被 cap 水，所以去之前都有反復同佢地客服確認，係咪真嘅官方睇牙補貼啊，同宣傳咁收3000蚊，對方客服都一直強調，冇其它消費，所以就抱著嘗試的心態去體驗但到牙科後，首先係有位姑娘（Sales，唔係醫生，全程都未見到醫生）幫我做檢查，影x ray，之後話我隻大牙條件唔夠，做唔到佢地宣傳個款三千蚊嘅植牙，推薦我做隻德國牌，加瓷牙套合計算8000人仔。一開始我都心動，反正都比澳門平，勉強接受 lor。但當我準備簽字做嘅時候，又话我隻牙嘅牙骨條件唔ok，需要加埋牙粉，要多收 2000，大佬，全部計埋都接近澳門價 wor，即刻reject，搵咗個藉口離開後續我去多兩間牙科檢查，一間係澳門，一間係拱北，兩間醫生都话我牙骨條件好好，根本就唔需加牙粉就可以種牙(此刻我應該可以 confirm到，差d做水鱼)，但因 Budget 有限，最终揀咗間拱北牙科 (X港，因有 fd 做比较放心，加埋牙套共五千幾) 所以大家唔好輕信呢類低價補貼廣告，如果價格過低，一定要小心（陸續了解到有幾位朋友中伏），因植牙都算複雜手術，要係身體植入個牙釘，同身體共存幾十年，如果被呃钱都認，但如果因消毒/技術唔過關，最終感染疾病或持續發炎都好大鑊
