到底知道自已中左獎之後要做咩? 少少經驗分享，簡單話你知你而家要做咩 ---我是瑪麗醫院生的普通市民 當你發現自已中左獎，之後到底要做D咩?? 1. 計算週數 回想自己上一次月事第一日是何時，再計算今日的週數。 (例子﹕上一次月事第一日1月1日，今日係2月5日，即係你已懷孕五週。) 當然這個週數期只作參考，以醫生照超聲波量度胎囊大小後計算的週數期才是正確。 2. 睇婦科診所 我會問下朋友有冇相熟的婦科醫生介紹先。 去到婦科醫生會幫你照下個肚有冇胎囊、生長位置是否正常(即有否宮外孕)、聽心跳聲等，叫醫生寫醫生証明書給你証明你已懷孕，在証明書上會寫上預產期日子。 - 如家族有病史，記得都同醫生講哦 - 打電話去婦科預約日期時，姑娘會問你知唔知自己大約幾週，大多數都會建議約6週後才見醫生，因如未到6週，胎囊可能因太細少，醫生會照唔到 -婦科費用平均$800起，預約前可問清楚姑娘收費 3. 打電話到政府醫院預約產檢 當攞到醫生証明書，你就可以打電話去你住所附近既政府醫院預約產檢服務。而瑪麗醫院的產檢服務係在贊育醫院做的，所以你亦可直接打去贊育醫院預約。 當姑娘接聽時，都係會問你幾多週、有冇醫生証明書，而約期係你懷孕三個月才會做第一次產檢。雖然如此，但你都要一早打去預約哦。 當產檢日你要有老公身份証副本、你的身份証正本、地址証明、醫生証明書。 * 相片從網上找尋
