於5月頭在網上見到有人開心SHARE在曉峰大江埔農莊開心家庭日, 睇落唔錯,又適合一家大細玩樂,所以決定一家人出發去玩下。。 曉峰在網上都有網頁,需要成為佢地既會員後才可BOOK 位, 經WHATSAPP 與他們聯絡, 會傳送過數資料比客人, 過數後發回入數紙比佢地就OK 了。 於月頭我地BOOK 了星期日(21號)去, 在星期五晚, 我地需要加人數, WHATSAPP了成日都冇人覆, 星期六下午就打去與他們聯絡, 打去WHATSAPP個電話竟然係停止使用, 上到網頁, 見到兩個手提電話兩個公司電話, 兩個手提電話都已停用, 兩個公司電話都冇人聽及留言信箱已滿, 心情非常之驚及緊張....仲諗緊係咪走左佬........ 同屋企人商量後, 決定星期日都係入左去睇下點先再決定... 好彩, 星期日上午再次WHATSAPP比佢地時, 終於有回覆........ 位於元朗錦田大江埔村江大路 原來農莊隔離就係豬場, 引來好多烏蠅同勁大既豬臭味。。 初初下車時, 差D嘔。。。。 來到門口,係關了門,由於冇門鐘,要大力拍門才有人應。。 場內有露營車及露地 食物類型唔算多, 當日冇一口甜薯同粟米, 粟米要自己摘先有, 每條$18。 有少少少量調味料 BBQ, 每人會有一隻碟同叉,額外既就要付費LA。。 每人包一包飲品 BBQ爐, 唔係用叉, 所以只需放一個入係爐邊, 其他人可以去玩LA。。。 採摘區。。內有士多啤梨區,青瓜區,紅菜頭區,粟米區,蕃茄區 但因為季節同人流都多, 我地去到時, 能採摘既就只有粟米 粟米每條計, $18 其他蔬菜 $70/KG 粟米區 青瓜區 紅菜頭區 出面仲有個草地,有人係裏面摘莧菜 有少量玩具供小朋友玩,例如火車,堆沙, 三輪車, 空地 小朋友都玩得好開心。。。。 這是送既有機菜,味道新鮮清爽, 唔錯 與工作人員傾談時, 發現原來農莊因土地問題, 將會搬遷到粉嶺另開一間。。。叫我地下次可以去粉嶺果間玩, 但佢地既電話係停用, 打去公司冇人聽。。 令我擔心了一整日。。。。 下次都唔會再揾曉峰LA。。