薑蔥爆魚卜 費用 :HKD50~HKD70 材料 魚卜 - 20至30個(請自行運用美人計請魚檔老闆預留比你) 街市公價HKD 2 /個,如果有平過呢個價既請通知 佐料 薑 : 1塊 蔥 1~2棵 蠔油 1匙半湯匙 糖 1茶匙 廚用雙蒸 3湯匙 麻油 少少 準備工作 1.魚卜用牙籤拮穿,除去血管及粘膜,洗淨停乾水 2.薑蔥切絲備用 3.將蠔油糖廚用雙蒸混合備用成調味醬汁 正式落鑊 預熱隻鑊,加適量生油 爆香薑絲(有小少少焦就最好) 然後魚卜落鑊同薑絲炒均 同薑絲一樣,魚卜爆到到有少少焦就加入調味汁炒均 不時搞拌,直至魚卜開始收汁, 就可加入蔥絲同麻油上菜