今日會好多相同好多口水，希望唔好厭悶同長氣:P 神早流流起身執野，早餐係一包酸奶同兩個包裝蛋糕。痴線？食左一啖已經想嘔～ 成車人都訓哂覺！但啲路實在太爛，真係好爛，我試過個頭差啲頂到車頂。 當你好想去做一樣野既時候，個天永遠都唔會俾你咁易做到。 話說呢個團既導遊，無同我搞清楚應該有既手續（應該所有港澳台既旅客都要向公安備案，拎一張備案紙既東西），呢個導遊無幫我搞到，應該貪方便。因為珠峰屬於同尼泊爾邊境地方，所以邊檢好嚴。上圖呢位公安不放行，一直話個導遊呃佢話我啲資料已經上傳左上去，但又無備案紙。拉据左大半個鐘，其他團友拍一拍卡都已經過左關。 我係到等待途中，已經有打消去珠峰既念頭。因為公安不斷要司機車我返去，十分恐惡。 成團人等我一個，真係唔好意思的。幾經波折，我終於可以過到關，鬆一口氣。上到車每個團友都好開心我搞得店，一片歡呼聲中繼續開車。 點擊圖片放大 +2 一唔開入珠峰，心情一路都好激動。今日既車程大約要十個鐘先去到珠峰大本營。 又要午飯時間啦！ 操！午飯又係食啲垃圾野⋯ 原來每人都只有$15 可以食，所以以$15 黎講算唔錯LOL。 食完飯！再直行就真正進入國家公園了！ 點擊圖片放大 珠峰隔離，都有好幾個差唔多級數既山！但唔會記得佢地叫咩名～～～ 似似地哈哈哈⋯ 點擊圖片放大 李杰，雲南雲南西雙版納人～佢本身有個同行朋友，但因為高反，臨出發前勁頭暈同想嘔，係車上不斷吸氧氣。最終被迫退出呢個團⋯ 可惜。 當我見到呢個牌時，我又勾返起我當初決定踩單車既心。 再坐多兩個鐘車！終到可以近距離見到珠峰真身啦！ 珠峰大本營。 興奮到係咁影相yeah！！！！！！！係咪好大陸LOL? 點擊圖片放大 +3 識到呢班團友，真係好好玩。當中有美女一名～～ 珠峰大本營入面～～～ 夜晚一齊食杯麵！當係一個極凍既環境下，杯麵真係好好味！ 點擊圖片放大 +2 呢個係我入藏咁耐以黎，最靚既一個藏妹。真人比相靚。 差不多成晚無訓過～因爲每個鐘數既天空都有唔同既靚！成晚走出走入睇星星。 點擊圖片放大 +4 因為呢趟旅程，我對華為手機開始有極大改觀！上面既相全部都係我地自己用手機影既，完全無偷圖。Iphone 要行埋一邊啦！隨便影一張，天空都有過千粒星星，好誇張。
