幾日無打ublog 了，依家要補返幾日既遊記。 神早流流完點小潑要出去搭車走了，但我同小周都無理佢，繼續訓！哈哈～ 佢出門個陣仲叫佢幫手熄燈。訓到八點鐘，同小周落去食個早餐，我就出發跟團去珠峰啦！ 估唔到留到最後既係我同小周。食完早餐，小周去買少少乾糧就坐火車返歸啦！而我，當然要繼續玩啦。 去到邊防總隊大廈，由於琴日搞唔到邊防證要折返既經驗，今日好驚會再搞唔到，咁我今次旅程就GG 了。 係車到，由九點一直等個導遊上去搞證，等等等⋯ 等到十二點，終於搞到啦！痴線等左成三個鐘，真係驚搞唔到。 開車出發真係鬆一口氣。 一路上都見到好多山畫左呢啲梯，其實係代表死左既人可以爬上天（好似係LOL），哈哈！ 其實跟團就預左坐車坐成日。第一站去左羊湖～ 點擊圖片放大 還可以吧～呢個湖唔算太特別，因為踩單車一路過黎已經見到最靚既景色啦！不過算啦！今次跟團既目的係去珠峰！ 睇左半個鐘就走人啦！ 午飯好差，老闆話無哂飯，所以整麵俾我地食。 呢兩隻真係藏獒？ 再下一站，係冰川！抱歉我真係唔記得係咩冰川LOL 因為係然烏個陣已經去過來古冰川，又係覺得無咩特別。 點擊圖片放大 但都要係咁易影幾張「到此一遊」相交下功課既。 臨走砌左個馬尼堆，代表祝福同幸運！ 呢張相幾有趣！當年都唔明我家姐點解咁鍾意拉薩，依家感受到了。 夜晚司機臨送我地去旅館之前，帶我地去左間珠峰配給中心，有氧氣筒同大褸。由於我一路過黎都好好彩無高反，所以氧氣筒完全唔需要（$600 人仔吸12 小時）。我只係租左件大褸～$100 人仔。 晚餐又係好差，算數！食飽個肚就算！踩單車咁耐有咩唔好食既未食過～ 第一晚成功入住普通旅館！唔使加錢！ 聽朝7:10am 集合出發！哇操！
