除左旅館唔俾我住，今日我又因為係香港人，被趕落車了。 琴晚因爲係我地最後一個晚上，所以我地都玩到點幾兩點先訓！大家都好珍惜呢個晚上，因為我今日要跟團去珠峰。 痴鬼線，又係呢間山東餃子。真係忍唔住要去食返幾個包～～十個包 $10 抵到爛春袋！ 因為約左8:20am，所以我懷住好興奮既心情八點鐘就到左！ 大家見到上圖係「邊防大廈」。因為去珠峰要離開拉薩邊境，所以不論你大陸唔大陸，都要搞一張邊防證出境。 由於搞邊防證，屬於要靠關係先搞到既野。所以一定要旅行團先搞到。除非你表哥係邊防大隊長。 等左個幾鐘，開開下車同我講對唔住，我今日去唔到。我操！因為今日所有團所有人係拉薩都搞唔到邊防證，所以要去到日喀則先搞。而港澳台，抱歉，只能夠係拉薩搞。意味住，我又可以同小同佢地見多一日啦！！ 心情有啲擔心，如果聽日都搞唔到邊防證，咁點搞呢。唔理啦～去拉薩最出名既茶館「光明」嘆返個茶先。 多人到賴屎⋯ 呢到既薯條好鬼好味～～ 啊！點解係黎呢間茶館，唔係去尼姑茶館。因為佢地今日要考誦經試，所以閉門一天。 下就去左哲蚌寺，亦都係拉薩好出名既寺廟之一。 點擊圖片放大 哲蚌寺好大，要行山行半個鐘先上到去。而佢距離拉薩市中心七公里，都算好近。入場$60。 其實佢同其他寺廟都差唔多，但呢到爬到上山可以睇到拉薩全景！ 黎到呢到，估唔到都可以睇到「辯經」。都係三點就開始！但呢到辯得比較假，唔夠色拉寺咁真！喂，交下戲好無！？ 點擊圖片放大 既然今晚真你最後一晚，我地就搵間好食啲！就食串串啦！ 大食特食！最後一天在拉薩既晚餐了。 夜晚再行左兩圈大昭寺。各位一路順風啦！
