今日一樣訓到晏一晏！起身又去食山東餃子！痴線，日日食真係食唔厭。食完早餐竟然係返去休息訓左陣-.- 無錯！全部都係包！醬肉包，好好味！痴線成四十幾個包。 係拉薩既日子就係咁休閒～～～ 食完早餐返去訓左陣，就出黎踩小黃車（共享單車）。每人一架，直接踩去色拉寺，5.x km。 三個傻仔。 其實今日主要目的，係黎色拉寺睇最出名既「辯經」。故名思義，就係辯論經文。我地行左一個鐘，睇左幾間寺廟後，差唔多三點就行過去辯經場。 色拉寺星期一至五3-5pm 都會進行辯經，想睇既留意返個時間。 點擊圖片放大 第一次睇，幾精彩。開頭真係唔知佢地做緊咩，但睇睇下就似辯論，一個學生一個老師。老師一定要拍手掌去說服學生⋯ 幾得意。 到左四點正就會聚集一齊念經，聽落又幾好聽。 夜晚又食冒菜！今次唔算太辣LOL，每人$4x。 我講過，一有時間就會去行大昭寺，因為我想上天堂！所以我地食完飯又要去行返兩圈啦！每次見到朝千既人都好佩服佢地既毅力。我都計劃緊最後一晚黎朝拜下。 六隻少狗去旅行。 突如其來既大雨，令大昭寺更加美麗。 Finally～ 今日係我同佢地既最後一晚相處，因為我已經報左團聽日去珠峰大本營。同你地相處既日子好開心，一齊經歷過好多野，我所有都唔會忘記。 新年哈爾濱見！ 點擊圖片放大 祝你地火車一路順風！
