今日繼續閒遊拉薩！因為小周同肥仔一號就走，咁呢幾日就多陪佢地，先玩哂成個拉薩，去哂所有寺廟先去其他地方玩啦！ 今日我要早啲起身！因為要打日記啊！呢到夜晚好多人用wifi 上網，搞到網速好慢，up 極都up 唔到相。唯有呢幾日朝早先打到日記。 今日打完日記，就去附近搵野食。其實踩單車咁多日，都已經習慣左食早餐，唔食真係會無力。所以朝早打日記係好肚餓既～～～ 點擊圖片放大 神早流流有隻貓跳上黎我張床訓覺，好可愛。我太香了～～ 於是我俾本書佢睇⋯ 問佢拉薩仲有咩地方好玩。 搵左間幾出名既山東餃子，多少到爆！痴線，因為真係幾好食。 又食我最愛既紅油抄手！同埋小籠包！ 點擊圖片放大 拉薩既小學生，好可愛咁食「麵」。 之後自己一個去左行八廓商場，勁多舊野古玩賣，我買左好多個特色手工盒仔。 呢到真係岩哂我。之後再周圍兜下，見到小學放學既情景。 點擊圖片放大 今日又去行大昭寺，因為實在太好行LOL 全部都係我最中意睇既野！又要破費啦！ 大昭寺外圍每日都好多地灘，主要賣生果蔬菜。 經過唐卡店，欣賞左一陣，都係唔識欣賞！但佢地畫功真係好了得，好精細！一幅全人手畫既唐卡，起碼要六七千，靚既過萬。 點擊圖片放大 再行入啲，見到有人賣真狼皮。真定假唔識分，但塊皮真係幾靚。佢地不停講藏語，唔知佢講咩～～ 最後再行下商城就走人啦！轉左兩三圈大昭寺，臨走買左包薯條，真係好味過麥當勞。$5 一大包⋯ 今晚無同佢地食飯，因為食左薯條唔肚餓。所以夜晚出左去買夾餅同炸雞脾食。好難食！ 呢啲就係我今日買既西藏手工盒仔啦！好靚架！買到上哂隱！！ 今日繼續買！！！
