其實林芝係繼拉薩後第二大既城市（應該無錯），有好多地方值得去睇睇。但由於今次既旅程目的係到拉薩，而且時間緊迫，所以都希望將參觀林芝既呢一日留返俾拉薩！始終拉薩附近一定有天多值得去睇既地方。由於種種原因，今日我地同肥仔分開了⋯ day22 八一林芝到工布江達，129km，六個半鐘，只爬升了海拔400 米。 今日先去隔離粥店食兩條油炸鬼，八寶粥同幾個肉包，跟住就要同肥仔分手了。事緣係肥仔發皮氣堅持要係林芝休息一日，但我地都想趕去拉薩，於是佢自己一個留低了。 咁多日以黎，我翻過了好多座山。每日都咬緊牙關咁過，每日都變past tense。依家就只剩低最後一座山！米拉山！ 出發時竟然有路牌係寫住「香港路」，笑鬼左。 於是我地就跟住香港路去行。（真係跟住行） 呢到都係離開林芝既一啲路況，都幾發達架！勁多店鋪，可惜無機會遊覽一番。 離開左林芝，又開始走返入318 國道，風景開始悶，所以無咩影相。就只有不停地踩！ 由於之前有騎友話，某條村落有狗咬人，所以我都準備好！ 之後到「百巴鎮」食Lunch，都幾多店鋪。無錯，其實中國大陸條條村條條鎮都一樣，中間一條大直路兩邊店鋪咁，睇我之前幾day blog 都會發現係一樣樣。 究竟入面係咩黎？我入左去睇，我真係入左去！ 中午食完飯，踩左兩個鐘好熱好攰，訓左係樹底休息，好舒服。 不斷努力下，到左工布江達。一個好細既城鎮，但幾靚。 晚餐夾左三輪餸，任食喎，緊係狂食啦！使俾面佢？ 食飽同小周踩單車出去兜左兩圈，夜景好靚！無行李架單車好似識飛咁！勁free⋯ 已為人父既小周，仲係咁on9。 點擊圖片放大 一則小故事。我係旅館大廳打blog 時，老闆開始同我講呢隻狗既故事。佢有個哥哥，三四日前因爲重病而吐血死左。呢隻狗同佢哥哥極好感情，生前無輪佢哥哥去邊到都一定要跟住，有野食都會分俾哥哥食。當哥哥死左後，老闆將屍體埋係花園，呢隻狗就三番四次去花園掘返哥哥出黎！ 佢已經由哥哥死個日開始唔食野，完全唔肯食，已經餓到呼呼勁重。老闆話佢都過唔到呢兩日，夾硬餵佢食葡萄糖都吐返哂出黎。我諗狗狗其實唔識自殺，唯一想快啲見到哥哥既方法就係絕食餓死自己。 有時狗真係好比人，重情重義！相比起人類，有親人死不知幾開心，仲可以分身家。個啲人真係連狗都不如⋯ 我睇住隻狗好傷心既樣，繼續打我既blog⋯ 老闆嘗試質佢食藥，都無用。 狗狗，如果你真係去左，希望你同哥哥係天堂活得快。
