琴日休息左一日,今日一起步,好似食左春藥咁!不停咁爆踩,將肥仔都拉爆啦! day19 然烏到波密,128km,七個半鐘,今日主要落坡多。 今朝一起身,食左碗抄手就出發啦!大陸既抄手係唔錯⋯ 然烏果然係一靚地方,八點出發,一直影相影到八點半先行走。 點擊圖片放大 影完相之後,都一直係咁衝,真係食左春藥咁。 其實一路上踩單車,同大家係路面揸電單車一樣,隨時會遇到人挑機。今日我終於遇到⋯ 踩踩下突然有三個大雞巴超車,感覺佢地要挑我機。好彩我今日狀態好!上坡用力吊住佢地尾,因為我都一包二包。一到落坡,我都踩到去50-55km/hr,平路再繼續爆⋯ 最後都唔見左佢地了~~~食塵吧! 呢張相感唔感受到佢既威力? 呢個係去波密既其中一個鎮,叫松宗鎮。好少少,十室八空,好多都係到裝修緊。 無錯!我lunch 又食蛋炒飯啦!!!!!真係幾好味LOL 我問每一個人,個個都話想快啲去。老實講,我好享受過程,雖然好辛苦,但我唔想咁快完。 好舒服的感覺~~ 咁快已經黎到3999 啦!對上一次2999 係幾時呢?1000 公里了,好感動!離拉薩距離愈黎愈近啦! 幾經辛苦!終於到波密啦!今日係踩得最遠既一日,128km,比第一日成都到雅安既127km 長一公里!哈哈哈哈! 波密算係一個幾發達既縣,都幾靚!仲勁多店鋪! 打完呢篇野,又趕住訓覺了!早抖! 明日預告!首先90km 衝落山!再爬40km 坡⋯ 諗起都頭痛!