今日算係輕鬆既一日，一開始爬坡15 km 到左山頂之後直衝落山！因為落雨，於是你如美鎮到停落黎。 day 12 芒康到如美鎮，50km，三個半鐘，海拔最高由4300 衝到落2800 米。 其實去旅行，係咪一定要享受呢？而唔可以涯若呢？無人明白我都唔緊要，我知自己做緊咩就得啦！ 其實自己一個去旅行，點解咁多人會覺得悶呢？聽聽歌，欣賞下風景，想走就走，想停就停⋯ （呢張相係踩到好撚攰叫肥仔幫我影既，十張得呢張算過得去） 背影靚仔啲？？ 踩左唔係好耐，就上到山頂啦！今日既任務算完成了！因為到左山頂就要落山啦！直衝落山個隻！！ 進入西藏之後，好多山頭都會掛左呢啲彩色旗仔，好靚，叫「經幡」。 經幡，又叫風馬旗，由藍、白、紅、黃、綠五色布幟交互成長繩狀，上面印製著各式經文和神像。藍色象徵天空、白色象徵祥雲、紅色象徵火焰、黃色象徵大地、綠色則象徵流水。經由風力搖動經幡上的經文和佛像，有如藏人轉經、唸經，並將此傳向自然之界、傳向神佛所在之境。（google) 一路走來，要夾得黎大家又肯互相幫助既，好難得。可唔可以一齊走到最後好難講，但始終係一種緣份。 最左邊叫小周（我會叫佢傻B)，大我一年，山東人，有藍眼睛好靚仔。有一個兩歲既女同岩岩出世一個月既囝囝。一邊箱覺得佢好衰，個仔岩岩出世就離開家人黎追夢。另一邊箱真心羨慕佢有個諒解佢既老婆，岩岩生左bb 都俾佢出黎踩單車。 如果我有老婆仔女，我肯定唔會走出黎啦xd 經過一輪瘋狂衝落山後，到左如美鎮。諗起一個小學同學，佢叫「美如」。 如美鎮好靚！但勁細個⋯ 本身無諗住係如美鎮停，但當我地想趕路時，落大雨。因為經過咁多日既教訓，落雨係好麻煩既，所以決定係到停低。 馬啊馬，你係好應季矜貴矜貴既動物黎架！做咩食啦之啊！ $50 包早晚餐，呢個晚餐唔錯唔錯！ 琴晚我咪話由進入藏邊境我唔可以再住民宿既，但好好彩，呢到個老闆娘好人！無報串俾公安知，所以又過一關！
