今日大家都唔願意起身,訓到七點半先起身⋯ 正常七點要出發了lol 朝早去留左籣州拉面食左個炒牛肉飯就出發!原來真正既籣州拉面係唔食豬肉架,如果你去左一間真正回教既籣州拉面,叫豬肉或者提到個「豬」字,佢地都會鬧你同趕你走。 day11 巴塘到芒康,十小時,104km,爬升海拔2200 米。完成第四座海拔四千米既山。 今日其實都癲癲地,頭60 公里不停上落,最後30 公里上坡簡直係傻B。無平路,只容許你不停上,我最後時速都降到4km/hr。 呢條係金沙江,係長江既上游!啲水永遠唔會混埋一齊架⋯ 我終於離開四川,進入西藏邊界啦!!!!! 黎自唔同地方既人,聚集埋一齊⋯ 上坡踩得最慢都係我~ 今日一直踩都係爛路,好刺激!開始知道山地車既吸引之處。 呢幾日落雨都有泥可流,好彩我地經過個陣無事!大吉大利! 咁大條既腸每日都會見到⋯um 踩左85 公里終於到海通兵站,但呢到先係今日既焦點。我要由呢到開始再爬升1000 多米到山頂!呢個時候,又到我最憎既落雨了!wtf 你見唔見到前面個V 字?你以為咁簡單?佢係山後兜左唔知幾公里⋯ 痴撚線。 上到去望返落黎,又變左pass tense 了。 天寒地凍,又落雨又天黑,終於涯到上山頂,都唔知第幾座海拔四千既山了! 之後就係6 公里既下坡~~~~~~~ 凍死人啦! 重點黎啦!!今日我地進藏,身為香港人竟然成為一個缺點。我夜晚到旅館竟然被拒絕入住了!!!!傻的嗎?我被迫要同車友分開,去隔離住酒店!他媽的酒店要$268 一晚!而本來既旅館係$30 一晚⋯⋯⋯⋯⋯⋯⋯⋯⋯⋯⋯⋯⋯~ 我詢問後我由今日開始到拉薩,都唔可以住普通旅館。日日咁貴仲得了,我會諗其他方法的! 迫我入住呢間華泰商務酒店!操!咁鬼貴!最後仲要我去警局搞左輪。 今日開始住宿有困難,開始刺激了