今日係咁多日以來,風景最最最靚既一日!而且路唔算太難。今日blog 相多過文字~ day9 紅龍鄉直衝禾尼鄉,90km,6 小時,海拔上落4000米到4400米。 大家記住,中國大陸有個地方叫「禾尼鄉」,吹水都有得吹兩嘴。簡直係眼睛既放題⋯ 一早起身食左個想嘔既早餐,就同幾個車友一齊出發。因為知道今日無咩難道,所以都好興奮咁出發。 我條面巾係幅地圖黎架⋯! 我都係跟住佢去西藏大 好多人運單車去下一站⋯ 踩都廢是踩 理塘既抄手唔錯,但成都既好味啲! 停都停唔切,做咩叫自己做垃圾銀行?收集垃圾? 我屌你啦,叫你幫我影訓地加雪山相,你搞搞震?有無P 圖大神P 走隻中指send 返俾我。 大家見唔見到一連串雪山?好靚好靚⋯ 命名為「雪山與我的寶馬」。 牛牛,你知唔知你好有型?同你合照一張 點擊圖片放大 雪山真係好靚好靚!愈近愈震撼⋯ 可能我大鄉里,第一次見雪山。 一路踩,一路沿途景色都係咁!傻的媽靚景! 影呢張相時,迎面有架大貨車衝緊埋黎仲不停呠我!未驚過! 呢到係今晚住晚地方,一望無際大草原,但好凍,依家係海拔4200。 好攰好攰,唔得閒P 相⋯⋯ 眼睛在天堂,記住呢到叫「禾尼鄉」。