終於完成了第一座海拔四千米的山啦!好激動⋯⋯你係咪心諗,第一座就咁開心,之後個啲點算~ 無錯,就係咁興奮!真係好興奮! 想多謝呢幾日msg 支持我既朋友,你地每句說話都對我好大推動力。 day5 折多塘到新都橋,57km,到達海拔4300,總爬升1120 米。 到達山頂後37km 下坡,帶左雪山手套都凍到手指左疆哂。 我今日終於第一次親眼見到雪山,好靚。能夠一路踩單車一路見到唔同既風景,寫意! 由於海拔愈黎愈高,所以開始感受到喘氣既節奏。 不斷上不斷上不斷上。總之今日目標就係不斷上! 一路上有好多呢啲石堆,全部都堆到好靚好高!一路上二三十公里都有。原本想走堆去研究下,但踩車都已經無哂氣,仲要我拍好車走埋去,唔好啦掛。但一路上石埋真係堆得好靚。 愈上得愈高,溫度愈低,十分明顯。我都開始擔心打後日子我唔夠衫著。仲要今日一路踩一路落雨,又大風,折磨屎了~ 全部都好唔真實。當你好辛苦咁上坡,你只好埋頭苦幹咁不停踩。當你上到頂時回頭一看,都不外如是,幾難上都可以慢慢上到去。 呢幾日不斷有人問我點解要黎呢段旅程⋯ 我都答佢地因爲香港工作苦悶,想用特別既方法睇下呢個世界。遲啲有家庭一定抽唔到身,所以想用呢段旅程為自己生命加少少色彩。 無啦啦九唔搭八LOL 諗到咩咪打咩囉! 痴線,佢真係掛一架交通意外車係到,目的係要嚇撚死你! 終於去到2874,幾時先到3000 ~ 又係對人生開始懷疑,都已經上左100 個坡,點估到你會有第101 個坡啊dllmh 終於到山頂,對唔住,當你出盡全力去完成一件事,係會眼濕濕待。 很開心的樣子,同背景融為一體了~ 今日其實只完成左十九幾座山既第一座,但都已經好開心了。一路踩單車一路諗,其實每日踩單車都好難過好痛苦,但今日望返,都已經變左past tense。幾難都每日少少咁捱過,希望可以捱下捱下就到拉薩啦。