由於膝頭有少少痛，唔敢再太用力，所以今日無到新都橋。 康定到折多塘，11km，爬坡海拔480 米。 今日一點先出發，已經烈日當空。大陸高原好多時日頭都無雲，所以太陽可以勁猛烈。一到樹陰下休息已經勁勁勁涼了。 依家身處係海拔3100 米既地方，暫時仲未有高原反應。但上坡的確容易喘氣左，如果day5 上第一座海拔4500 高既折多山無事既話，咁打後既山都唔會有高反。講少少俾大家知，高反可大可小。千萬唔可以係高海拔地方感冒，一但感冒會一路都醫唔好，仲會肺積水。 上個月有一個騎友，因為高反頭痛仲要繼續上山，最後頂唔順打算係路邊訓低休息下，結果一睡不起。 下面就係康定情歌了～～～～～ 折 多塘旅館，開始有少少西藏既味道。 食飽飯，聽旅館老闆講山上有個天然溫泉，於是就走上去睇睇。行左廿分鐘上山，原本打算俾隻腳舒服下，依家行到攰哂，反智嗎？ 不太熱，是係暖暖地。但好唔明點解周圍啲水都凍，的呢到一少少水係熱呢？ 返到去決定同其他人夾錢試一上西藏特式飲品 - 酥油茶 味道似好淡味既奶茶，小小咸，岩哂我。聽聞飲得多可抗高反。簡單講，酥油其實係山上耗牛既牛奶，蒸發第一次既精華⋯ day4 隻手已經咁靚，睇睇過多兩day 會變成點～～～ 題外話，係大陸幾日，開始習慣同唔同昆蟲一齊訓。但咁大隻蚊你有無見過？異型蚊？
