話說某日,見到沙田新城市呢個「Panda Me聯『萌』企劃」,嘩!我哋套中秋華服又可以出動喇!😚係咪好襯先~~ 先講下Chill Park開幕頭炮活動先,就係由「做自己.Be Yourselves」的Gen Alpha代表Panda Me帶來「Panda Me聯『萌』企劃」,快啲睇下有無平時你哋嘅影子😂。 🐼恐熊熊,潮流興社恐,有咩你都係唔好搵我啦~ 🐼愛茶飲熊,如果可以,放假我都想躺平 (不過媽媽係無假放嘅!😏) 🐼24x7放空熊,唔放假可唔可以選擇放空呢~ 🐼食花生熊,要睇戲梗係要食住花生等啦~ Chill park日頭好拍,夜晚夜景都十分吸睛,我影唔到就睇下官網圖先啦~ 當然最襯套衫嘅打卡點就係1樓羅馬獻技場樓梯位嗰80隻可熊貓BB,不過咁靚又咁舒服嘅打卡位,當然就係......人唔少啦!所以除咗左就右就就下位,仲可以靠下AI,執走下路人,即刻可以同熊貓BB影到靚相😍。點擊圖片放大 喺9到10月份周末,仲有唔少熊貓嘅朋友要留意下啦!活動包括「Chill住Art Jamming 工作坊」毛孩寫生體驗、「Chill Q熊貓D.I.Y應援站」、商戶聯乘熊貓主題餐飲、Chill可愛熊貓燈籠換領及聯同MOKO新世紀廣場送出海洋公園入場門票。➰➰➰➰➰➰➰➰➰➰➰🚩「Panda Me聯『萌』企劃」@沙田新城市廣場日期:即日至10月31日時間:7:00am-10:00pm地點:新城市廣場1期3樓平台🚩「Chill級熊貓應援團」@沙田新城市廣場日期:即日至10月31日時間:10:00am-10:00pm地點:新城市廣場1期1樓羅馬圓型獻技場樓梯位