話說好耐好耐以前，有位小朋友見到呢個廣場有得跳cocomelon彈床，但無事先買到飛無得跳，失望萬分。今次baby shark一出，媽媽我就二話不說即刻買飛先！！$49有45分鐘，性價比真係無得頂！而且所有相關收益扣除成本後將捐贈給香港麥當勞叔叔之家慈善基金，真係邊玩邊做善事。 成個場都唔算細呀，雖然人亦都幾多，但都叫做玩到。最受歡迎就係滑梯啦，無論長短，有得玩就開心 (滑梯係有工作人員看守，感覺安心啲)點擊圖片放大 第二就要數baby shark波波池啦，波波池對小朋友永遠都有吸引力。而且池入面仲有唔少"垃圾"，大家執咗之後就可以去分類啦。 除咗玩樂外，仲有環保教育意義的體驗，波波池執完垃圾就可以嚟呢度分類回收啦，邊玩邊學。點擊圖片放大 彈床的吸引力就當然係可以相對安全地跳上跳落，爬高爬低啦,佢哋就一定唔會放棄呢個大好機會啦。媽媽為咗影相都做左戰地記者咁，45分鐘後我都成身汗了。點擊圖片放大 +5 注意事項：✅️要準備防滑襪✅️大小同價，12歲以下要成人陪同✅️準備足夠水✅️準備足夠體力（主要係父母）🤣完場，唔係好想走的小朋友如下: 麥當勞 Baby Shark 親子樂園日期： 2024 年 5 月 17 日（星期五）至 5 月 31 日（星期五）時間： 上午 10 時至晚上 8 時 (每節 45 分鐘)門票費用： 門票每位港幣$49（大小同價）， 所有相關收益扣除成本後將捐贈給香港麥當勞叔叔之家慈善基金。地點： 屯門市廣場一期中庭門票網站：https://event.mcdonalds.com.hk/tc/mcdxbabyshark-family-playland/register#babyshark親子樂園 #babyshark #親子 #屯門親子 #親子好去處 #放電 #放電好去處 #親子blogger #屯門市廣場 #跳彈床
