本來都偏好台灣菜，有幾次經過見到Vcity呢間鋪頭幾開陽，價錢亦實惠就試一試啦！ 食過幾次後，總結到一個結論，就係配菜意外地好好食呀！😆（主菜就 ......)⭕台灣鹽酥雞便當 ($61)／香酥雞亦便當 ($55)配菜：菜，肉碎，滷肉及粉絲都好食，特別係粉絲😍！如果有出淨粉絲就好了，真係好好味；滷肉質量都唔錯，送飯一流。主菜：鹽酥雞-炸粉太厚，而且無台灣嗰隻味道🥲；雞亦就係普通雞亦，無咩突出，亦無咩驚喜；點擊圖片放大 ⭕百芳豬扒滷肉麵 ($65)配菜：菜，滷肉同麵嘅麵質都唔錯，滷肉加上麵，又係一流嘅配搭yummy。主菜：豬扒，嗯～就比較乾，味道亦食唔出台灣嘅味道，就.......很普通sad 呢間店仲有個優點，就係可以優惠加配台式飲品，佢哋免費嗰杯紅茶綠茶其實都唔錯，所以台式飲品愛好者嘅我，都係1次又1次過嚟🤣。 〰〰〰〰〰〰〰〰〰〰〰〰〰🎈百芳池上便當地址: 屯門屯門鄉事會路83號V City 1樓L1-12號舖(港鐵屯門站 D 出口, 港鐵屯門站 E 出口, 港鐵屯門站 F1 出口)
