今日的溫度+日子,會令你想起什麼?我就想到........陽光、海灘和泰國呀!雖然我無得玩 #潑水節,post下海景餐廳一樣係咁有氣氛,睇到啲相,渡假嘅感覺返晒嚟啦!其實每次見到海景餐廳我都心心眼😍,但奈何帶住小朋友,我嘅行程可以講話都幾relax,咁就去唔到太多餐廳,但呢間我點都要嚟朝聖下。(其實附近有幾間 #網紅餐廳 一樣咁有賣點,一樣夠chill,有時間都可以去試下) 餐廳離芭堤雅市中心有一段距離,好彩call Grab, Bolt都好方便,就算6人車都秒回,唔需要等(只係收費相對嚟講貴)。餐廳主打就係一個relax同無敵大海景,仲有個沙唔算幼嘅海灘,無論拍拖定帶小朋友都好適合。你睇下個環境,真係隨手影都咁靚,海嘅尉藍,樹嘅嫩綠,一整個就係好心情!(放心,如果你過到香港嘅夏天,嚟呢度就算戶外食飯都無問題,絕對比香港舒服,加上海風唔會太熱)點擊圖片放大 其實成間餐廳佔地面積係好好好大!!每個角落都有唔同的感覺,你可以簡自己鐘意的角落去坐就係啦。可惜我當時手機相機都無咩電,影唔到太多相😆。坐位嚟講最受歡迎要數海灘邊上有網床嘅坐位啦,我去到已經full咗。第二就應該係我呢排海邊位,好快都滿坐啦,所以如果想簡位置,最好就4:00PM左右就開始嚟啦。點擊圖片放大 藍天白雲下,無論你帶小朋友定帶女朋友,都可以放心嚟影下相,因為失敗率唔太高😆。點擊圖片放大 向下行仲有個沙石灘,沙唔算幼,但比小朋友行下玩下都唔錯。 食物就主打係西式同泰式,價位喺泰國嚟講都算比較偏高,但計埋個環境就抵返啦!😆我今次主要食泰式,食物嘅水準絕對唔算差(唔止適合打卡😆),我哋一行5人其實都係$2000銖,影咁耐相+可以食住睇日落,感覺無嚟錯呀!點擊圖片放大 意外小插曲,事源就係金仔呢位愛自由又奔放的小朋友,一見到咁大間餐廳就飛奔地跑,然後~就仆親了。職員都好細心為佢貼上膠布,加分😊。 〰〰〰〰〰〰〰〰〰〰〰The Oxygen Beachfront Oasis地址:泰國芭達雅400/1098 หมู่ที่ 12 ตำบลหนองปรือ Bang Lamung District, Chon Buri 20150泰國營業時間:日 一 二 三 四 五 六 10:00-22:00電話:+66 63 174 9399