唔知點解，我同花甲粉之間好似有個魔咒咁，幾次想去，但係就點都搵唔到🤨。終於見佢開咗新鋪，我又終於知道係邊度，即刻去試下先！！點擊圖片放大 首先就自己剔好張紙落單，再等叫no.,然後將大大碗自己捧返去就完成啦！ 聽到NO.就去自取，然後就可以按自己喜好加配料，可以自主多茜😆點擊圖片放大 😋花甲粉 （+魷魚、牛栢葉 ／小辣／小麻）首先必試個花甲粉啦，李daddy就加咗魷魚、牛栢葉 。 嚟到一試，嗯～好味！嗯～好辣🤪原來小辣都真係幾辣，完全失預算，平時食開小辣的應該叫bb辣。 粉絲加咗湯底就變得好入味（但太辣🥵），花甲比我想像中要多，味道都夠鮮味😋。至於加配料價錢未算平，但量都算唔少。😋百搭粉 （+牛丸、魚皮餃／清湯／走麻）諗住試下唔同組合，所以就試咁無花甲的百搭粉，走辣之後就完全試到個清湯味道，我第1個感覺係.......有落味精嘅，因為真係好好味😆。（但事後我無特別口乾，咁即係證明我估計係錯誤嘅） 第2樣嘢令我意外就係，有好多菜，岩晒我呢啲鐘意食菜嘅朋友仔，好滿足。 加配料嚟講，我覺得質素同價錢成正比，合理嘅，值得下次再嚟～
