近期有幾個新公園開放，對小朋友嚟講絕對開心！但，新開=超級多人的情況下，一直都未嚟朝下聖，難得去開觀塘，咁就唔可以錯過啦。😉(觀塘放電好去處上集 : https://bit.ly/48znbaC )一嚟到絕對比條扭扭滑梯吸引，同埋比咁多人而嚇親🤣，入面真係迫到沙甸魚咁，我都唔敢比金仔自己上去🙈。點擊圖片放大 2個姐姐排完一輪玩完後，覺得好玩到要跳起😂，即刻覺得人多都無所謂呀! 因為人真係多，佢哋好快比媽媽我趕咗"上山"，估唔到有柳暗花明又一村嘅感覺，原來上面係咁大嘅！！！😲點擊圖片放大 冬天嘅溫度，加上個無敵大海景，感覺真係好relax,仲見到有人喺度野餐。😜估唔到上面有得玩，下面仲有個寵物共融嘅海濱長廊，雖然就冇咩設施玩，但景觀夠開陽，地方夠大。 打卡位絕對唔少，一定可以影到唔少靚相。有位可以食嘢，都算幾舒服。點擊圖片放大 +3 ～～～～～～～～～海濱花園佔地約1.8公頃，設有海濱空間和園景平台。其中園景平台位於觀塘污水泵房上蓋，分為5大區域，以「好玩自然」為設計概念，提供15個遊樂體驗和超過 60 組遊樂設施。平台3成面積為綠化空間。而海濱空間長270米，佔地約0.7公頃，設置為「寵物共享公園」，容許寵物入內。👉「空氣與大地」主題區：設樂天廣場、風搖搖、旋轉戲場及秘密花園，包括適合輪椅人士使用的「氹氹轉」點擊圖片放大 👉「大地與空氣」主題區：為2歲以下幼童使用的區域，設施包括草丘及小樹屋等👉「天空與大地」主題區：設有彈床等遊樂設施 👉「陽光區域」主題區：設有由仿岩石組成的「攀岩陣」，適合3歲或以上兒童使用。同時設有健身器材和彩虹隧道。點擊圖片放大 +2 👉「水和天空」主題區：設有高8米的「親樹平台」繩網攀爬架，設置噴水裝置，可嬉水的「親水花園」點擊圖片放大 +3 〰〰〰〰〰〰〰〰〰〰〰〰〰〰📍茶果嶺海濱公園開放時間：上午7至晚上11時（嬉水設施於上午8時至晚上8時運作）路線：觀塘渡輪碼頭步行約5分鐘，或觀塘港鐵站B1出口步行約13分鐘，或藍田港鐵站D1出口步行約15分鐘
