想問下,有邊個小朋友會抗拒跳彈床?😆每次見到彈床佢哋3姐弟都一定要去跳 (所以疫症其間我買咗個比佢哋喺屋企跳)。其實12月嗰時見到新加坡JumptopiaTM 「小小環球美食家 (香港站)」 已經心心眼,仲要喺我覺得環境十分舒適嘅黄金海岸 ,但礙於個考試,唯有忍一忍啦!當大細都一考完試,下午就即刻去瘋狂跳下彈下鬆一鬆!😉 成個場好大,有成12000呎,戶外的好處就係空間感絕對足夠,比室內更relax!(而且啲相點影都靚😉)一入到去就見到有5個以美食為主題嘅大型吹氣彈床,色彩繽紛,小朋友絕對會尖叫!點擊圖片放大 然後就......我感覺自己好似戰地記者咁,不停來回唔同戰區,分秒必爭地拍攝最精彩畫面🤣。👉Honey珍珠奶茶店,全場唯一有波波的彈床 (不過亦會係最曬的地方,所以我4點打後先去呢個度玩)點擊圖片放大 👉Drago熱帶水果船,入場即見的一條恐龍點擊圖片放大 +2 Tiger 美式漢堡包店,係佢哋玩得最耐的一個彈床,有長滑梯才是王道!點擊圖片放大 +2 Mark香辣快餐車點擊圖片放大 Bell烘焙工作室點擊圖片放大 遊戲競爭場 講下優點先:✅️場地十分大,空間感十足✅️吹氣彈床十分新淨✅️人流唔多✅️冬天玩好舒服(過25度的中午除外😆)✅️門票不分時段✅️90分鐘玩樂時間對父母嚟講岩岩好(小朋友會覺得唔夠🤣)缺點:❌️預先購買門票的話要指定日子❌️受天氣影響❌️無免費儲物櫃❌️現場人手好少,小朋友要家長睇緊啲 Tips:12歲以下需要穿著防滑襪記得要帶足夠嘅水,定時補充水份 有時間記得安排嚟玩下啦,隔離仲有個沙灘可以玩下沙添~👇👇👇👇👇👇👇香港Jumptopia地址:香港屯門青山公路 黃金海岸酒店廣場開放時間:星期一-星期日: 11:00-19:00 如何前往屯門港鐵站: 於C2出口換乘港鐵接駁巴士K51或K53(繁忙時段)線,於黃金海岸站下車屯門碼頭(來往澳門): 乘坐計程車約需10分鐘深圳灣口岸: 乘坐計程車約需15分鐘港澳碼頭: 於永安中心站乘坐城巴962B或962(繁忙時段)線,於黃金海岸站下車