當playhouse愈開愈多時，呢個夏天就大把好去處啦！(天氣好熱，太陽好曬，媽媽我已經同太陽玩咗好多遊戲啦!😆)去到呢個位於長沙灣的playroom，第一個感覺就係.......色彩好夢幻呀！好多波波池😍 (打卡一流)。當我以為個場唔算好大時，點知行下又一個區，然後又一個區，有啲柳暗花明又一村感覺，原來玩完一圈個場一啲都唔算細呀！ 首先講下，場內所有設施都算偏矮小，比較適合年紀比較細的小朋友，金仔嚟到就完全good fit啦！當然場內設施都比較安全，就算有大朋友 (如浠姐呢啲)嚟，都唔會對細BB有太大影響，各有各天地。 一入門口就可以見到夢幻童話區，區內有滑梯及攀爬管道同埋好多好多波波呀！小朋友可以喺度玩下個波波海，媽媽就可以嚟影相打卡啦。 點擊圖片放大 玩完出嚟就會見到成個playroom的中心 - 夢幻小鎮。呢個中心地區分成3 part，左手邊就係無論男女都應該會好迷戀的廚房區，好多食材，好多爐具，滿足晒各位小朋友的廚房夢。(不過食材就好多都無歸位，可能玩完後要各位父母幫幫手啦~) 右手邊就係金仔的最愛- 車車啦！雖然車的數量唔多，不過有比較特別的車款，加上豐富的街道場景，金仔做司機之餘後面仲可以載埋家姐，一齊飛馳！(要自行裝上爸爸/姐姐驅動器😂) 而後面就有女仔的變妝區，同男仔的車車工具區。 中後場就係海盜船區，一隻大大的海盜船入面有晒滑梯、波波池、縱橫交錯的通道，完全滿足咗各位小朋友追逐的需求😆。溫提: 大人行呢啲通道就真係好考柔軟度啦~ 點擊圖片放大 +2 對面又有一個夢幻波波池啦~仲有得發射球添！ 點擊圖片放大 最後就去到冰雪區，入面有2條其他playroom少有的地板冰壺短賽道，雖然啲金仔唔識玩，但都無阻佢去推下玩下。賽道隔離仲有個令人著迷的吹氣跳彈床，就算幾活潑的小朋友都唔怕放唔到電啦。 再年幼啲嘅小朋友都唔怕無嘢玩，海盜船對面就有個幼兒專區，有小型爬行管道、滑梯、(人手)旋轉木馬玩樂，呢區色彩繽紛夢幻，真係絕對岩打卡呀！ 點擊圖片放大 +2 多元區域中間仲有個表演台，小朋友想打鼓定彈琴高歌都無問題； 點擊圖片放大 兩米的攀石墻，最適合小朋友體驗攀石的樂趣； 環保玩沙區內有幾隻恐龍陪住你玩，仲有好多工具，令大小朋友都迷戀，金仔除咗車仔之外停留得最耐就係呢區啦。 最後最後就係Party 區，當日就有part，所以就呢區就會暫停開放。 後記: 呢個場真係好舒服乾淨，適合年紀比較細的小朋友 (大少少可能會覺得唔夠刺激)。 收費以會員制去計算 每位進場人士必須穿著防滑襪 💛💛💛💛💛💛💛💛💛💛💛 Wonder valley 長沙灣833號長沙灣廣場3樓312-317號鋪, Lai Chi Kok, Hong Kong +852 6790 5675 💛💛💛💛💛💛💛💛💛💛💛 💙 歡迎合作^_^ 💙 💜💜Facebook 💜💜 💚💚Youtube💚💚 💛💛 IG 💛💛
