食嘢有部份都係食環境,環境有特式,可以影下相打下卡,食都食得開心啲啦!😊 今次去呢間泰國餐廳,居然有部tuktuk喺門口😲,實在太有Feel啦掛!我哋當然唔客氣咁去扮下嘢打下卡啦~ (不過佢哋都未坐過tuktuk,只係覺得部車好得意,夜晚影人又背光有啲難度) 除咗咁特別的tuktuk外,仲有幾排室外的坐位都十分有特色,當時仲未係好熱,坐室外食都幾有feel。 入到有冷氣的室內,雖然餐廳唔算大,座位之間的空間唔算大,但裝修感覺都幾清新,都算係一個幾理想的用餐環境 (如果衛生做得更好的話😉)。 一坐低,就有一碟免費泰式炸蝦片提供,3位小朋友簡直驚為天人 (可能平時好少食到😂),為呢碟蝦片未上菜已經覺得可以再嚟食過。 😋秘制串燒雙拼 (雞豬各3串) $118 串燒份量都算大,雞同豬味道唔錯,不過個汁就少咗嗰份辣,係香口的但相對嚟講唔算好惹味。 點擊圖片放大 😋蒜蓉炒雜菜 $88 平時的我係唔會簡蒜蓉 (因為我唔鐘意…….),但因為想就小朋友都食到,就叫咗呢個。又估唔到,菜炒得幾鮮甜,蒜蓉味亦唔算濃,意外地好食。 😋泰式乾炒金邊粉 (豬肉) $118 金邊粉一直係我全家的喜好,呢碟金邊粉用鑊仔上,份量真係一啲都唔少,豬肉更加係十分多。食落去無咗傳統的酸味,但就好重鑊氣,小朋友都爭住食,我只可以話”雖不正宗但好食"。 😋鑊仔椰香青咖喱(燒雞扒) $128 用個爐仔暖住上,青咖喱中間放住….. 燒雞扒,呢個配搭都幾特別 (另一種配搭係牛腩)。青咖喱好香,不過辣味就唔係好夠;燒雞扒本身都有味,肉質都夠滑,唔錯。 😋辣肉碎生菜包 $108 又一碟 “雖不正宗但好食”的菜色,少咗嗰種辛辣同複雜香料的香味,但又係好夠鑊氣,好食!! 份量都唔少,基本上半碟都係我食。 😋金磚蒜蓉多士 / 6件 $48 繼續 “雖不正宗但好食”,金磚十分香口同脆身,6件大大份,基本上就無得輸,只不過又係少咗啲濃烈的蒜蓉味,你知啦,呢個包蒜蓉味唔夠濃就欠缺風味啦。點擊圖片放大 😋白烤薄餅 $48 份量上就算比較少,但加咖喱係必備啦。 ~~~~~~~~~~~~~~~~~~~~~~~~~~~~~~~~ 總結 : ✅餐廳環境有特色 ✅餐點份量夠大 (最後我哋都有打包返屋企) ✅食物有鑊氣 ❌味道唔算正宗 ❌睇之前啲評論話餐廳衛生唔算理想,如果以開業咁短時間嚟講,佢嘅檯櫈同地下又的確係有一種油膩感覺,如果可以加強下清潔更好。 🚩泰瀾鑊 Thailand Wok 地址 : 元朗康業街8號朗壹廣場地下17-18號舖 💙 歡迎合作^_^ 💙 💜💜Facebook 💜💜 💚💚Youtube💚💚 💛💛 IG 💛💛