呢2日氣溫去到成30度 (睇天氣預告仲有排熱🌡),仲唔係帶小朋友去玩水的好時機!不久前我哋就終於去咗想去好耐,出名水清沙幼的西貢半月灣 🥳。其實我都考慮過,山長水又遠,搭車又搭船去個咁遠的沙灘,究竟值唔值呢? 🤔#西貢市區嚟到西貢市區,其實已經好有渡假感覺 (其實我聽到西貢兩個字已經覺得有陣海風吹過嚟,好有渡假FEEL🤣)。 市區雖然唔大,不過有海景有美食,仲好多特色小店可以打下卡,就算唔出海其實都唔會悶。點擊圖片放大 今次為咗把握時間,仲買咗啲 #西貢美食 去沙灘度進行野餐!#搭船 #肥婆船務本來想近少少去沙咀島,但李daddy聽到要行,就果斷轉去遠少少可以純hea的半月灣 (放假想休息,你懂的😏)。而在碼頭上有幾間船務公司,如果到半月灣的話價錢應該都一樣 (平日$40),所以就沒有特別去比較了。而李daddy就覺得肥婆船務聽落比較適合我……. (不過我哋回程時看到野貓船務船好似靚啲同回程時間夜啲,有需要的朋友可以到時自行再比較) #公眾泳灘 #廈門灣對於極少搭船的小朋友嚟講,搭船呢個過程實在太新奇啦🤩。望住一望無際的海,吹住涼涼的海風,短短十幾分鐘船好快就過去。 (海風真係好涼好舒服,只係吹完個頭會變笠)點擊圖片放大 +2 一上岸,就見到兩邊十分清澈的海水,水中仲有唔少海草。點擊圖片放大 如果唔去其他地方探下險的話,步行幾分鐘就可以到達今次的目的地 – 半月灣!!只係呢個行過去的綠色圍欄,我都已經覺得好有feel,影網美圖一流。點擊圖片放大 可能平日關係,人流唔多,所以隨便都搵到寧靜位置去進行今次的沙灘野餐🏖。3個小朋友一落沙灘都十分驚訝,點解啲沙可以咁幼!(平時去開嗰啲都係磨紗感滿滿的😆)點擊圖片放大 然後的時間就是,你有你玩沙,我有我影相打卡~ 就算係咁吸引的食物,小朋友們都係需要我追住去餵,先有空閒去食 (玩樂先係最重要!)點擊圖片放大 +3 本來無打算落水,所以無帶泳衣,但最後都係玩到濕晒😆!好彩我有帶多套衫同有更衣室,咁就可以乾乾淨淨咁離開啦。點擊圖片放大 hea咗2,3個鐘就要回程了,大家都十分依依不捨,金仔就例牌地悲傷不已,喊住上船 (然後訓住落船),下次真係要再早少少去。 放足電的一日,大滿足🥰!~~~~~~~~~~~~~~~~~~~~~~~~~~~泳灘名稱:廈門灣泳灘設施 :小食亭、燒烤爐 (22個)、更衣室、淋浴設備、洗手間和浮台、無障礙設施:觸覺引路帶、觸覺點字及觸覺平面圖救生員當值時間 :6月至8月 星期一至五-上午9時至下午6時 / 星期六、日和公眾假期- 上午8時至下午7時💙 歡迎合作^_^ 💙💜💜Facebook 💜💜💚💚Youtube💚💚💛💛 IG 💛💛