正所謂計劃趕不上變化，何況係變幻莫測的天氣。每逢天氣不似預期時，腦袋一片空白時，我第一時間諗起的就係--政府的 兒童遊戲室 。無他嘅，呢類遊戲室 ✅️開放時間長， ✅️唔需要預約 (亦無得預約)， ✅️而且費用全免，當毫無idea時就咁岩晒啦！ 之前都有介紹過幾個政府遊戲室，真係各有各的特色，今次就嚟到呢個位於上水小小世界。 面積: 370平方米 入場限額 : 60 每節時間 :30分鐘 ~~~~~~~~~~~~~~~ 先睇下開放時間，呢個場有個特色，就係連等候位置都有玩具，咁等候時間就唔會太悶啦。(疫情前去都係坐一般的摺櫈) 點擊圖片放大 呢個場都算比較大，而且一目了然，唔怕小朋友走失。 左手邊係幼童區，適合年紀比較小的小朋友; 而右手邊就係中小童區，岩晒啲無時停的馬騮！ (包括我3隻) 一入場小朋友通常第一時間衡去右手邊，因為攀爬同滑梯永遠最受歡迎。攀爬架入面四通八達，家長亦上唔到去，如果有姐姐哥哥的記得要睇住細佬妹。點擊圖片放大 架內的設施同玩法都有好多種，如果只玩一節 (30分鐘)，應該就走唔出呢個架啦。 點擊圖片放大 玩到差唔多，大家就會發現中間呢個七彩三角網，內裡係中空，可以爬上去都好好玩。 再玩耐就應該對左手邊的幼童區有啲興趣啦， 幼童有幼童的玩法，中童去到又會變左唔同玩法啦！ 到最後，成個場任跑其實 都好開心。😊 ~~~~~~~~~~~~~~~~~~~~~~~~~~ 遊戲室主題: 小小世界 場地名稱: 保榮路體育館 地址: 新界上水百和路19號 #親子 #遊戲室 #playroom #遊樂場 #放電 #放電好去處 #粉嶺好去處 #天氣不似預期 #兒童遊戲室 #親子好去處 #免費 💜💜Facebook 💜💜 💚💚Youtube💚💚 💛💛 IG 💛💛
