《開放時間: 3月23日到3月26日》<-好好把握呢個周末的機會啦!! 喂呀！只係睇相大家又估唔估到係邊呢？😆環境真係一流，chill到爆，係咪好似去咗外國咁呀！仲要唔需要收費，免費有得玩跳彈床、彩繪、人像速繪等等，係咪好吸引呢!點擊圖片放大 雖然兒童部份設施唔算大亦唔算好豐富，但當去下郊遊影下相同長下見識都唔錯呀!雖然我對打高爾夫球無咩認識，但我對去玩同打卡就好有熱誠😍。 一於睇下有咩玩啦！首先要講就梗係最為著緊的兒童放電大本營 :兒童放電大本營包括「Yum Me Play兒童體驗天地」及「合家嘉年華」兩部份。最吸引小朋友的一定係-跳彈床! 無論幾時玩，玩幾耐都係唔會厭!今日去到都已經4點，天色比較陰的情況下都算OK，如果有太陽就可能玩得辛苦啲啦。今日人唔算多，所以基本上入去就玩得，可以玩完再玩。點擊圖片放大 迷你兒童高爾夫球呢個活動反而要排一排隊，玩法就係free style😎,你鐘意轉住圈打都OK。 臉部彩繪及人像速繪絕對係受歡迎的項目，想要玩就預咗要企係度慢慢排隊，如果時間唔夠亦可以好似我哋咁......直接放棄😂 (不過有打算星期日再去!!) 魔術表演及雜技表演喺草地上坐住豆袋睇表演你試過未呢，未就嚟試下，雜技表演仲會同觀眾有互動，隨時叫你出去表演埋一份呀!!😉 免費小食及禮品:現場有派免費的綿花糖及爆谷，因為人流還可以的關係，基本上排3-5分鐘就可以拎到。呢2位小朋友排完食，食完再排。 (但我覺得綿花糖好好好甜😐)點擊圖片放大 登記入會所送的立體紙模型 門口有派的高爾夫球帽 Like FB /IG仲有張高質但圖案設計一般的野餐墊😂舞台活動咁大個舞台播啲咩？除咗會直播高爾夫球賽事外 (係呀! 其實呢幾日都有比賽😆)，每日唔同時段仲有唔同節目，令到你去到都唔會悶。節目有 : 專業教練帶領你去進行瑜珈、頌缽、帶氧Zumba舞、普拉提等運動；邀請多位歌手、音樂人，於3月24及25日錦標賽當日賽事完畢後演出。雖然我帶住小朋友睇唔到，但係可以比佢哋試下坐喺豆袋梳化望住個天hea,呢個對佢哋嚟講已經好好玩😎。點擊圖片放大 +2 玩到攰，太陽伯伯又落咗山，咁hea真係好舒服~ 揮桿大挑戰活動場內設高爾夫模擬器，設有「揮桿大挑戰」遊戲，識打高爾夫的朋友一定唔好錯過啦。唔識又想玩都無問題，因為會有專業教練從旁指導。 球場歷史生態展了解粉嶺球場在推動高球發展的角色，以及其生態及歷史建築的重要性，就要過嚟睇睇啦。為食加油站場內都有幾檔小食檔，玩得耐就自己要補及下體力。小食檔數量唔多，有泰式、韓式及西式小食，及有咖啡、啤酒等同環境CHILL一CHILL的飲品。價錢就偏貴啦，不過都係合理嘅。點擊圖片放大 +2 現場有足夠位置比大家坐下食下休息下。 經典珍貴汽車展停車場附近有個經典汽車展，有興趣記得要去啦! (我就玩太耐，安排唔到時間過去了)~~~~~~~~~~~~~~~~~~~~~~~~~~~~~~~~~~想參加活動的朋友要注意啦！雖然入場係免費，但記得先要網上預約呀，入場時會有人掃QR Code。以下為網上預約網址:https://www.ticketflap.com/zh-hant/worldcitychampionship~~~~~~~~~~~~~~~~~~~~~~~~~~~~~~~~~~香港哥爾夫球會呈獻「國際都會高爾夫球錦標賽」日期：3月23日 - 3月26日地點：新界上水粉錦公路地段1號~~~~~~~~~~~~~~~~~~~~~~~~~~~~~~~~~~~~🚌如自行乘坐公共交通前往球會：本會提供來回上水港鐵站（C出口）及粉嶺球會之免費穿梭巴士服務。免費穿梭巴士服務時間表 (由上水港鐵站開出) ，以先到先得方式提供：- 3日23日 (星期四) 早上7時正至下午6時正，每30分鐘一班。- 3日24日 (星期五) 早上7時正至下午3時30分，每30分鐘一班 / 下午3時30分至晚上7時30分，每15分鐘一班。- 3日25及26日 (星期六及星期日) 早上7時30分至晚上7時30分，每15分鐘一班。您亦可以由上水港鐵站轉乘的士，只需短短5分鐘車程即可抵達球會。🚘如自行駕車前往球會：由吐露港公路轉出石崗及古洞出口。當你進入粉錦公路行走約 450米便會抵達香港哥爾夫球會，球會停車場在你的左邊而球會會所在你的右邊。請注意，球會免費泊車位有限，將以先到先得方式提供。此外，在北區醫院亦設有收費停車場設施可供使用。🔊注意事項:四天賽事的入場門票都是免費的，但必需預先登記。主辦單位有權更改每日之活動時間，可能會與門票上印上的時間不同。十二歲以下兒童必須在成人陪同下方可進入會場。違禁物品：掌上型電腦、收音機、電視機、武器、擴音器、外帶食物、寵物（導盲犬除外）、梯凳或類似物品。禁止將酒精飲料帶入或帶出球會之場地。除已登記之媒體外，賽事期間將禁止使用攝影機拍攝請確保閣下的手機處於靜音狀態，並確保閃光燈功能處於關閉狀態。💜💜Facebook 💜💜💚💚Youtube💚💚💛💛 IG 💛💛
