畢業，未畢業？畢業未到，相先影 (即係好似結婚咁!)當收到畢業旅行 通知時，我都有啲突然。印象中天真又愛笑的小肥滺仲帶住baby fat同滿口BB音上N班，一轉眼就成為一位小學生 ！真係感慨萬千 (我相信你哋明白我呢刻嘅感受嘅。)難得成行，難得好天氣，當然要支持啦！ #點收費呢？以下為是次活動收費 (注 :以下收費只供參考，收費應該會因不同學校，不同畢業日子等而收費不同。我有朋友收費就完成唔一樣了)畢業生收費 ：$380 （包與米奇集體合照、米奇畢業帽、迪士尼畢業證書及襟章一枚）車費 ： $70家屬收費 (已有年卡) : 成人-> $290 / 兒童->$180 家屬收費 (需要購1日門票) : 成人 -> $560 / 兒童->$500 / 長者 ->$100#究竟點買先抵？其實去之前都打算買年票，但發現買完年票都係要加錢 ($290)先可以入去睇呢個 #畢業慶典，咁計落我跟學校plan買一日門票再升級，就可以慳返呢$290啦。又或者只想買一日門票，計落慳得更多。 ($639-$570 +$290=$359)#門票可唔可以升級？畢業生門票就無得升級，但其他人的一日門票就可以補差價升級#畢業慶典程序係點？(注 : 只係我今次經驗，未必間間一樣)Step 1 : 全級同學到達門口水池位後就準備換上畢業袍 Step 2: 於水池位先影張集體相 Step 3: 戴上手帶後遂一入園 Step 4 : 迪士尼派出攝影師及數位 (5-6位)工作人員，協助學生乖乖哋，企好好然後米奇出場!!! 工作人員會提醒各位家長，攝影師影相時唔好拎電話/相機出嚟影，因為小朋友一定會望住父母嘅鏡頭。要等攝影師影完先到家長時間。 Step 5 : 影大合照的時刻，嗱，真係唔好以為呢件係一件易事呀，唔係要大家都唔合埋眼咁簡單呀，啲小朋友總會呢個摸下鼻，嗰個同隔離傾下計，又或者……走咗去。攝影師大聲叫:”望住鏡頭，大家企定定，手放好，1~2~”，然後半班同學舉起兩隻手指Yeah~~我頓時feel到攝影師嘅心有幾灰，影一陣把聲已經沙咗。 Step6: 然後遂個畢業生去另一個位，單獨同米妮拍照 (相片需要額外購買) Step7: 每班畢業生再以空無一人的美國小鎮大街做背景，影張合照 (家長亦可以把握時間同小朋友影下相) 最後就係迪士尼正式開門時間！#加錢睇畢業慶典值唔值？其實值唔值真係因人而已，有啲人會覺得點解買咗年票都仲要額外加錢(我明~)，程序如上啦，睇定唔睇，可以由自己決定。最後可襯一大早少人的時間，快啲去玩豐富又精彩的機動遊戲，基本上唔使排又或者5分鐘就有得玩啦!!機會嚟啦飛雲。點擊圖片放大 不過相比起玩遊戲，我更加著緊小肥滺著住件畢業袍周圍去影靚相留念啦，因為遊戲日後想幾時玩都OK。 真係要CHECK清楚手機有無位再出發呀！會影爆卡。我基本係以左相機右手機噤嘅狀態游走。點擊圖片放大 +3 祝你有奇妙的一天！💜💜Facebook 💜💜💚💚Youtube💚💚💛💛 IG 💛💛
