年初三你又去咗邊呀?原來臨時臨急+無咩公眾假期去玩嘅經驗,真係會出事。😂本來美好哋諗住去北區摘士多啤梨 (上網睇咗有開,仲諗住去晒附近3個)。點知.......好多車,要收利是泊車都算啦(畢竟都係新年😊),但人真係好多,多到我會懷疑仲有幾多收成,所以唯有擇日再戰!(等我!!😂)臨時改路線,就去同區呢個新公園啦!(其實都唔算好新,只不過我未嚟過)因為實在諗唔到咩景點會少人啲,加上爸爸好想join附近波友打波,所以就嚟咗呢個公園啦。 雖然公園唔算大,有分幾個部份,有寵物區、緩跑區、大草地等,遊樂場係其中一部份。 但遊樂新設施點都係有吸引力嘅!特別對鍾意爬高爬低嘅金仔嚟講。公園主要分為2部份,呢邊比較適合幼童,另一邊比較適合小童。點擊圖片放大 不過金仔主要去小童嗰邊,夠刺激。點擊圖片放大 +2 長長滑梯就幾時都咁受歡迎啦~點擊圖片放大 因為都算新,所以廁所都係比較乾淨,而且有育嬰室。 一輪爬爬跳跳,最後去埋附近個molly fantasy玩掉彩虹,完滿結束!!不過又咁講,如果特登為呢個公園而嚟就有啲唔值啦,但如果去摘士多啤梨再過嚟,又或者再去埋10分鐘外的公園放電,咁CP值就唔錯啦~😊~~~~~~~~~~~~~~~~~~~~~~~~~~~~~~~~~~~~~~~一鳴路公園位置:粉嶺一鳴路及百和路交界(粉嶺官立中學旁)🙆Follow Me~~💜💜Facebook 💜💜💚💚Youtube💚💚💛💛 IG 💛💛