雖然宜家勉強叫做 開關，不過真係唔話飛就飛，所以仍然要繼續主場發掘新樂趣。所以只要有新場，大家都好樂於去即刻去嘗試，特別係免費的場地。呢個場比我感覺十分良好💗 👍地方夠大，景觀夠開陽👍交通方便，西鐵站外的商場 (仲有YATA同AEON可以行)雖然宜家已經慢慢入秋，但中午都仍然幾熱，不過我下午3點左右到達已經大半場無陽光直射，唔會太熱，玩得舒服。👍設施七彩繽紛又新穎，好欣賞佢一點就係 :上去滑梯/ 山坡係無正常的樓梯，但有繩網、爬架、攀石等等，可以訓練小朋友的平衡力同肌肉。(雖然金仔呢個年紀都可以來去自如，不過有年紀細小朋友都要睇住。)👎咁多優點又免費的情況下，難以避免會有一個️缺點 : 人多！ 不過呢個都應該係必然的事，就唔好投訴啦~--->官方資料「PLAY GARDEN空中樂園」佔地超過30,000尺，分為3大區域，空中彩虹遊玩區、雲下休閒區及期間限定主題打卡區,除左與ART-ZOO合作「我的快樂盒子」展仲有 9️ 大彩虹主題玩樂設施。💁「彩虹晴空塔」高達 8 米嘅「彩虹晴空塔」玩樂組合，設有 3 條滑梯～其中 2 條七色管狀旋轉彩虹秒速滑梯，一嚟就吸引咗3個小朋友玩完又完，不過3點到4點時間仍然會有太陽，所以夜少少玩會更好。點擊圖片放大 💁雲上鞦韆 & 彩虹觸感牆設計新穎嘅雲上鞦韆，將圓欖型同傳統輕巧式鞦韆二合為一，我都唔明點解小朋友咁迷戀鞦韆 ，所以搞到李daddy要係咁排隊。 💁雲兒城堡位於正中間的城堡，外形可愛而且有好多出入口，可以訓練到小朋友的平衡力同手腳協調。呢個設計我真係好欣賞 ，雖然某程度上會比一般公園危險，但小朋友係需要探索。點擊圖片放大 +3 💁雲上山丘 & 太陽山丘以唔同嘅藍色層次，配合圓拱型設計，上面設有繩索、綱管小隧道、小小梅花樁、攀爬彩球、滑梯，斜坡等，需要孩童手腳並用同埋手眼協調㗎！(官方資料)呢度令金仔著迷，上上落落，樂此不彼，玩咗一大半時間。點擊圖片放大 +2 💁音樂彩虹嗯~有以上咁多設施，呢度就相對無咩吸引力，金仔打2下就走咗了~~😂 💁活力旋轉繩網係小朋友微型嘅「冒險」探索場地！設施有助訓練肌肉同時促進心肺耐力、動態平衡感等。同時佢哋都要預設攀爬路線，可以加強孩童嘅計劃能力！(官方)又係一個相對普通遊樂場會比較危險的設施，但呢種快感令佢地著迷😂 💁動感搖搖雲同樣命運, 金仔坐咗2下，閃走，2個姐姐就更加無興趣啦！ 同場仲有色彩同樣繽紛的打卡場地- 我的快樂盒子UNBOXHAPPINESS，小朋友大人都好岩打卡。(雖然呢3位小朋友只係打個卡就即刻閃人，但隔離實在太大吸引力啦，我都明白嘅😆)點擊圖片放大 另一邊仲有打卡位呀~點擊圖片放大 記得打完卡UPLOAD去FB/IG，即可免費獲得限量版「荃灣廣場 × ART-ZOO 我的快樂盒子」筆記薄一本+總值HK$50 一田超市及商場贈券！ 〰️〰️〰️〰️〰️〰️〰️〰️〰️〰️〰️【荃灣廣場 x ART-ZOO同你一齊開心過萬聖節 】由 21/10至 6/11，荃灣廣場都預備咗驚喜同大家分享，打卡即賞（萬聖節限定）用手機拍下任何「 #荃灣廣場 × ART-ZOO 我的快樂盒子」場景並上載到FB或IG即可免費獲得限量版「荃灣廣場 × ART-ZOO 我的快樂盒子」筆記薄一本+總值HK$50 一田超市及商場贈券！💀Trick or Treat (至31/10)即場憑500積分換領，並Like 荃灣廣場 Facebook / 追蹤IG專頁即賞HK$30商場餐飲贈券＋HK$20一田超市現金優惠券 +糖果一份💀萬聖節扭波波活動喺The Point App「獎賞：玩樂體驗頁面」憑200積分即可換領！活動日期：23/10, 29/10及5/11地點：L5空中樂園時間：2:00pm - 6:00pm（每節一小時）糖果及氣球款式隨機送出。每日數量有限，換完即止。受條款及細則約束～👇👇👇👇👇👇👇👇👇👇👇👇《荃灣廣場PLAY GARDEN》 空中樂園地點：荃灣廣場5樓開放時間：早上10:30至晚上10時遊樂場開放時間：早上10時30分至晚上8時 00分(清潔消毒時段: 12:15 -12:30 /14:30-15:00 / 17:15-17:30)🙆Follow Me~~💜💜Facebook 💜💜💚💚Youtube💚💚💛💛 IG 💛💛
