香港的夏天，天氣一係陽光普照萬里無雲，日日三十幾四十度；一係就連續落雨落足兩星期；所以室內絕對係呢個夏日的好去處。 其實除咗大商場外，都仲有其他選擇，就好似以下呢個活化建築 咁，集寵物共融、文青打卡、本地小店 於一身，絕對係親子好去處。 一到達就見到成個建築物採光做得好好，玻璃大堂十分光猛，令人感覺十分舒服。內場有得跑，有得同狗仔玩，有得shopping,有得食飯，仲可以打卡，玩半日都無問題。 寵物友善場地 作為本地少有的寵物友善場所，就算平日都見到唔少狗狗。狗狗大多都十分有善，3個小朋友都樂意同佢哋溝通🤣。而且某部份場內餐廳可以容許寵物入進，可以同寵物共同進食。點擊圖片放大 +2 親子好去處 建築內地方同餐廳都比較闊落，適合寵物或小朋友走嚟走去；而且場內有個小型playhouse the big things ,又一小朋友放電好去處。(只係價錢亦有點貴.......) 文青打卡 由本地藝術家創作的壁畫、玻璃走廊及大堂主樓梯都係打卡熱點, 平日人少，假日又會有好多活動，一樣咁吸引。 點擊圖片放大 小店內亦不少打卡位 點擊圖片放大 本地特色小店 南豐紗廠一向支持本地品牌，有不同的特色小店進駐，工藝品、精品、寵物用品等都有售。而且有全港首間寵物用品裸買店，想買幾多就磅幾多，支持大家走塑！ 點擊圖片放大 天台綠化 活化後天台變成綠化地帶，在鬧市中呼吸一下新鮮空氣。無論放人定放狗都無問題。 行到攰啦，當然要搵個地方開餐啦!!場內有不同種類餐廳，部份可以可以比寵物內進。我食呢間餐廳食物種類唔算多, 份量唔算大，但味道又意外地幾好食！點擊圖片放大 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 南豐紗廠 荃灣白田壩街45號南豐紗廠
