好啦,又再續上文啦!當玩完免費的snoopy獨木舟,又行完商場同人氣卡通keigo打完卡後做咩好呢? (snoopy獨木舟 : https://bit.ly/3cEj0mF) (Keigo打卡記 : https://bit.ly/3zjIjCb) 熱情的太陽伯伯開始落山,當然係去色彩繽紛的新戶外打卡樂園Fun Park打卡/放電啦!(打卡定放電,因年紀而異啦! ) 呢個戶外樂園色彩繽紛,紫藤花隧道唯美夢幻,每個地方都可以影到 #instagrammable 相。但唔好以為得IG男神女神可以打卡,對於我嚟講就絕對係一個環境優美的 #放電好去處! 真係唔講得笑,一入到去媽媽我當然就忘我地影相,因為色彩實在太夢幻啦(心心眼中)!除咗色彩外,凹凹凸凸的地面亦是少見的。一邊行一邊影相我都有啲擔心會跌落去,不過意外地見呢3位小朋友時而出現時而消失,簡直來去自如,自由自在,完全無我的煩惱。 凹凹凸凸的不止是地面,連地面上的設施都一樣,小朋友簡直是玩到忘我,實在係訓練小朋友平衡力的好地方。 ※紫藤花隧道 : 參照大阪、京都、奈良都有的關西紫藤花季,紫色的花穗浪漫垂落,全長4米長,實屬打卡的首位。只要企係前少少,影相光線絕對充足,影要靚靚家庭相絕對無難度 (只要佢哋合作的話, 哈)。點擊圖片放大 ※動感童園: 有「環抱坐圈」、「幻紫滑梯」、「七彩條子迷宮」及「美妙琴鍵」,全部都係夢幻色系,而且凹凸不平,更加增加佢哋玩樂的刺激感,絕對樂而忘返! 點擊圖片放大 +2 ※奇妙芝園: 呢區芝士為題,淡黃、鵝黃、金黃等等不同深淺色調交融一起,仲有個最「Say Cheese發光牆」,打卡位又點少得呢個呢! 點擊圖片放大 +3 fun park另一邊係舊有的運動場及滑草場,同樣時間,呢邊就有部份設施仍然會有太陽直射,所以會比較熱。今次我哋目的明確,所以就無花時間喺其他地方(只係影下相),向滑草場出發。 點擊圖片放大 滑草只需要the point 50分或即日消費單,就可以玩2分鐘。相對嚟講係抵玩,只可惜要120CM以上先可以玩,妹妹同細佬就無得玩了。 點擊圖片放大 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 《Fun Park》開放詳情: 日期:即日起 時間:上午7時至晚上10時 地點:沙田新城市廣場一期5樓戶外平台